Chapter 11

Exam tur nen ava thatchhiat theih ve😪

___________

Author pov,

"Hey" tiin Duhzuala chuan Cavin-a an college gate chhunga a lut mai tur chu alo ko ding a, match an neih atang khan kar 1 dawn lai a liam tawh a, Cavin-a hian a be duh miah loa, call leh message pawh a chhang duh lo.

Duhzuala lah a thinrim ve tho bawksi titau letin kar 1 dawn a be lo hmasa a, mahse Cavin-an thawm a rawn neih miah silo ah chuan amah zawk chu a rilru a hah a, hmu turin a kal leh ta nge" a.

Cavin chuan a ngaihsak miah lo ah chuan va panin a va kai lawng" a, mi tlem lai ani hlauh a, tu vak mahin an hmu lo "Amak class ka la nei nia" ring silo mahse vin tak si chuan ati a, a vawnna tang chuan tal chhuah tum tang" bawk, mahse an tha a inchen lo em a, tal chhuah chu sawi loh a Duhzuala kut chu a che eih lo ang vel ani.

Hmun fal lai an thlen chuan Duhzuala chuan a thlah zui sawk a, "Engnge I awmzia hi?" vin insum taka a tih chuan Cavin chuan hrethiam lo ang tak hian, "Engmo?" alo ti ve hra a, an tawngkam chu a nem lem lo dun khawp mai. "Hruaizela ka hneh chu ilo la na viau ami" tawngkam mei nei zet chuan a zawt a, Cavin-a mit ah tak a en ran bawk. "Thil ni lo* I ngaihtuah anih kha" en pawh en lem lo chuan alo chhang a. Duhzuala chuan thinrim tih hriat zet hian, "Ngaihtuah loh theih loh in awm hek cheu. Tun kar chhung zawng khan nitin college ah in inhmu tih ka hria a, min biak duh lohna chhan pawh amah vang ani tih ka hria"

"Ka thinrim chhan hi Hruaia vang anih ring hlek suh, game fair lo tak I khelh vang anih kha"

"Ha, chuvang chauh chuan mo" awih lo tih hriat tak chuan a nui lui hak a, "Ti lo thei loin min siam zawk anih kha, ka thin tihrim a tum char* a, ka tirim reng bawk, a phu tawk anih kha" ati let ve leh hlak a. Cavin chuan en chho ran chung hian, "A fair hleinem, thil fair lo ka duh loh zia pawh I hria a, bakah theihtawp in zan rei tak* thleng an practice a, an tan a fair lo lutuk tlat, nangmah hi dik emo inti reng bik suh" a hma ai awki sang chuan ati ve leh pang* a, mi awm loh na lai anih mai bakah class lak reh lai ani tawh dawn a, thawm a dim peih vak tawh bik lo ani.

"A fair lo itih vang che, Hruaizela anih vang" hnuai lam en run chuan ati a, a thin rim ai mah chuan a rilru na takzet, khatiang a fair lo lutuk a chet kha a duhdan ani bik lo, mahse hman atangin Hruaizela hi a thik tawh a, Cavin a rin loh vang pawh nilo, Hruaizela awmdan leh Cavin a melh ve dan hi a hriatthiam em vang ani. A thinrim sa mai bakah a mi thik ber chu a hmangaih leh duh ber first kiss a ni tih a hriat khan a in control zo lo ani. Hruaizela nen a an insual zawh pawn Cavin ngaihdam dil a tum nghal a, mahse hun ape duh bawk silo, a biak duh miah loh vanga titau ve ta ngawt kha nia.

"Engmo ani pawh chu I rin hlelh reng le, thian bak kan nilo, tinge min rin loh em* a" Cavin pawh chuan beidawng zeta Duhzuala en chuan ati a, a thik tlat chhan hi a hrethei thlot lo, aman Hruaizela hi chu thian leh unau ang tak* a a en vang ani mah na.

"Thian chauh chu I first kiss mo?" za lo zeta nui ro hak chuan ati a, Cavin-a chu alo phawk lutuk ringawt, a hmel chauh pawh chuan a awih hlol lo tih a hmuh theih. "Hruaizela mo?" a ti chhuak thei hram a, Duhzuala chuan en chhuk pah hian, "Anih lohin aman a sawi lom le" a sawi zawng ringawt pawh chuan a thin a rim, Cavin-a hmui no chek, a hmeichhe fawh tawh te zawng* aia a thlakhlelh leh a kham theih loh kha Hruaizela lo tem ve atan chuan a phal thlot lo, a mitthla ringawt pawh chuan a thin so bulh* thei hial ani.

"Vawi khat mah kan la in kiss hlol lo, zawnga chu engnge chutiang alo sawi ve ringawt a" awih loh hmel zeta a sawi chuan Duhzuala pawh chuan mak ti zetin Cavin chu a rawn en ha a, "I first kiss ani lo mo?" tiin a zawt leh ha a, "Teuh lo mai" Cavin chuan ati leh hlak a, ani pawh chuan a ngaihtuah ringawt pawh chuan a awih lo.

"Zawnga chu!!! In in kiss tawh tih ka hriat khan mut pawh ka mu thei hleinem" ati hluai a, a awrawl a ring si, Cavin pawh a phu deuh zawk a. "Lalhruaizela bum theiha han awm chu" tiin a mah chuan a nui vak* a, Duhzuala chuan a nui chu en a, nui ve duh miah silo chuan nuam ati veng* mai, kar 1 dawn an inhmu lo a, a ngai in a thlahlel tawh em ani.

Cavin a nuih uar* lai chuan Duhzuala chuan ava kuah a, Cavin-a pawh a nui tawp chawt a, tal chhuah erawh a tum chuang lo, ngai lo bik ani tlat lo alom. "Thik turin awm tawh reng* suh, ka ta chauh inih hi" tiin Cavin-a sam chu a chul hliau* a, Cavin pawn kuah letin, "Nangpawh" atih zawh rual* chuan, "Thik turin vawi khat mah ka la awm lo" ati nghal hlar a, Cavin pawn a chhang tawh lem lo, a kuah hle* ringawt a. Ruih sual chang nei thin mahse a ruih ber lai pawn vawikhat mah Cavin hi ala phatsan loa, ngaihtuah pawh a ngaihtuah chhin ngai lo, famkim lo viau mahse chu tak chu Cavin pawn a kalsan tak* theih loh chhan ani ve tlat.

______________

2 months later,

"Hei kan break chiah a, lo hruai duh lo mai rawh, ka va lam ang" tiin John chuan Timothy chu a hrilh mawlh* a, Timothy lah chuan, "Aih hei car ka tinung chiah kal duh suh, ka va hruai nga hotel ah ka tlangpui mai ang, chuan ka banah ka rawn hruai haw ang, chaw min lo chhum kep la" tiin a dah nghal hmiah a, John in "I buai phah ang" atih pawh chu a hre hman lo.

John chuan a phone chu a en vang* a, thla thum lai an inzui tawh a, han in hauh ve bap* nei ve thin mahse chung chuan an inkar ati nghet sauh zawk si.

Timothy pawh school ah thawk tawh loin a hma angin ama hotel a enkawl chhunzawm leh tawh a, a buai ve thei hle, mahse engang pawn buai se Ben school kal lam leh haw lam hruai hi chu a kutah a dah tawp a, John pawn a hnial hneh lo, ama in lian leh nuam tak ai chuan John te in luah lian lo ve tak, ama in nen teh phei chuan engtham ani lo ah chuan a hlim zawk a, a dam veng* thin.

Timothy chuan Ben chu a tihdan ngaiin ava hruai leh a, Ben pawn nui var* in alo pan vat a. Meeting la nei tur a nih vangin Timothy chuan eitur a leisak a, car ah chuan Ben chuan tawng siam* pahin a ei mial* a, Timothy chuan a ning lo tih hriat zet hian alo chhang ve leh siam* bawka.

An thlen chuan Ben chu Timothy chuan a pawm lut a, vawi 3 vel chu a hotel ah hian a hruai ve tawh a, mahse a hnathawk te chuan an lo en ning thei mawlh lo, an hmuh apiang chuan an inko khawm emo an in kheuh leh sep* thin.

Timothy an lo hriat ve thin nen khan a danglam em atin ni, nau pawm chu sawi loh naupang ngaina hmel a pu lo hrim* a, a hnathawk te bulah chuan nui hmel a nei ngai hauh lo, mahse Ben nen an hmuh apiang chuan a nui sang zel a, Ben nen an in chhaih an in chhaih thin, an tan chuan hmuhnawm tham ani. A pa in a hleitling em* a, hmeichhe tan chuan aia tha leh thlan tur chuang a awm lo, an boss an lo star em* thin chuan  naupang duhawm leh hmeltha zet a pawm chu an tan chuan han hmaih phal chi ani mawlh lo.

"Junior, room lehlam ah sawn meeting pawimawh deuh ka nei dawn a, ka phone hi ka dah a nga, hei eitur a awm teuh bawka I lo awm thei ang tiro?" eitur vel kawh kual pah chuan Ben bulah chuan a sawi a, Ben in alu alo buk nghauh takah chuan a phone phawrhin a pe a, a secretary chu ko turin alo lut nghal zat a. Timothy in kawngkhar a pel dawn chiah tiah chuan Ben chu a rilru nuam ta chiah loa, a thutna tang chuan thoin Timothy chu an inhmuh hmasak ber ang khan a ke ah ava kuah chawt a, "Ka hlau" ati sep a, Timothy secretary chuan Timothy chu a thinrim dawn emo tiin alo inhum ruh hman teuh a, mahse a rin loh em* in Timothy chuan Ben chu a pawm nawlh a, "Nihchuan fel deuha ilo awm a ngai ang" tiin chips tlema zawng chu ava la leh a, metting room lam chu a pan pui a.

Room an lut chu tihdan pangaiin an lo ding thap a, an hmelah chuan mak tihna hlir a awm a, Timothy chu Ben pawm chung reng chuan a seat ah a thu a, midang pawh an thu ve nghal a.

Meeting chu an tan nghal pawp* a, Ben chuan chips ei pahin Timothy necktie a pin chu a khal niap* a, a tlei ve em* tho.

Darkar chanve vel a liam chuan Ben chu Timothy awm ah chuan alo mutthlu a. Timothy chuan meeting chu a titawp zui nghal bawk, room an chhuah chuan, "Kan bungrua va lo va la la, car ah ka lo nghak ang che, vawin chu min thlah haw a ngai ang" tiin Ben chu car lam a pan pui nghal nal* a, a secretary lo thlen chuan in lam an pan nghal a.

In an luh chuan a rin loh deuhin an lo ri laih* a, Cavin, Hruaizela leh Marcus te chu thutthleng ah an lo thu thap a, mipa rual tih takah an thawm a ring ngang mai. "Amu hil lo?" tiin John chuan va lak mai a tum a, mahse Timothy chuan, "I thian te an awm saw, ka va mut mai ang" tiin Ben chu a room lam a panpui a.

A mut fel lai chu John chu room ah ava lut ve a, dim zet a Timothy an puan a sin tir lai chu a en reng a, Timothy an a rawn hmuh chuan nui sang in, "Tinge I rawn luh ve a" alo ti var a, John hmuiah chuan ava kiss zeuh bawk. "A tibuai che em?" Timothy han en dek* pah chuan John chuan a zawt a, Timothy chuan a lu thing pah hian, "Teuh lo mai, a awmlo ang tih ka hlauh zia" tiin alo chhang a, John tan chuan hriat hi a nuam hluah* ani.

"Ka room bathroom ah va inbual mai rawh, tui pawh ka dah vek tawh kha, I kawr awmsa pawh awm in ka hria" atih chuan Timothy chuan, "Ka nupui hi chu ava fel tak" alo ti fiamthu daih a, John chuan lo duh bik thak lo, Timothy nak ah chuan sik vak a.

"Ana ana, ka ti tawh lo ang" atih chul takah chuan thlahin thutak zawk hian, "Inu chu engnge an" ati dek* a, Timothy hmel a inthlak pawh chu a hmuh hmaih lo. "Engmah a ang thei lo, I hria em dik tak chuan beisei na pawh ka nei tawh lo" beidawng tak chuan ati a, a lu chu John darah chuan a zuk nghat a, John pawn a sam alo chul sak ve hliau* a, tih theih anei lo tak hi hrehawm ati a, Timothy an anu a dah pawimawh leh a hmangaih zia a hria a, a hrehawm na chu a hriatthiam pui ve takzet.

Room atang chuan an chhuak a, Timothy pawh in tifai turin John room lam a pan a, John pawh eirawng a bawl zawh vek tawh vangin a thiante bulah ava phei in an ti* hlom a, an tet lai tanga awm ho reng thin anni bawka an inngai in sawi tur pawh an nghah hlom ve hle.

"Ben birthday pawh thla leh mai ani leh der tawh" an zinga naupang ber Marcus chuan a rawn ti a, Cavin leh Hruaizela te chuan an en nghal hra a, a tawng sual tih a inhre ve chiah. A hmui phun chuan 'Awii' tiin an pahnih chuan a en a, Hruaizela chuan lo melh rum leh khui* hle.

Ben piancham hi John hian a nuam thei ang berin a lawmsak thin a, Ben pawn nuam ati thei hle, ani pawh a fapa piancham chu nuam ti taka hman luih a tum thin a, mahse a chhungril tak erawh a na ve vawng* thin, a hmangaih tak thih cham ani ve miau atin ni. Chuvang chuan a thian te tumah hian an sawichhuak ngai lo, tilang lo mahse a na tih an hria a, mahse a naupang ber tih takah Marcus hi chuan a ka hi a veng zolo thin, mahse han thinrim khum viau dawn mahse a thiante dang aia kum 4 dawn a a naupang vang hian a thiante pawh hian an en liam leh nge* thin.

"Hmanni lawka piang emo ka tih kha tunah chuan kum 5 a tling ve dawn der mai" John chuan nui var chung hian ati a, engtin mah a awm chuang lo. "Tun kum chu Timothy awm bawka Ben pawn nuam ati viau ang, a duat ropui si" Cavin chuan titi dang vawrh tum tak hian ati a, midang pawn an rawn chhunzawm vat a.

"Naua ngaihzawng te hi nei ve tawh rawh" John chuan Marcus en chung chuan ati a, ani lah lo ner nasa, "Peih teuh lo, rilru natna mai*" alo ti hluk a, a hma atanga a chhan dan thin ani, midang chuan lo nuih liampui mai* mahse ani erawh a thutak hle, a hun kaltawh a ngaihtuah a, a tawrh ang kha tawrh nawn leh a duh tawh lo, 'kumkhua leh chatuan' tih vel hi a ring tawh lo bawk, a ngaihdan chuan mihring hi hmasial tak an ni a, hun tha leh thlan tur tha dang an neih phawt chuan kalsan an hreh lo tih ani.

Timothy a inbual zawh chuan Marcus-a te pawn chu an haw a, an pathum te chuan dawhkan kil in chaw an ei ve thap a, pathum chiah ni mahse nuam an ti em* a, Timothy-an an bula chaw a ei apiang hian John ang chiahin Ben hian nuam atia a awm loh aiin chaw pawh a ei tam thin. An ei zawh chuan John chuan ati fel nghal vat a, Timothy an a sir  atangin puih alo tum ve ngar* bawk, mahse tangkaina a nei tam lo thin khawp mai.

"Ben saw lo va awmpui zawk mai rawh" Timothy hmun phiah lai chuan nuihza insum zet hian John chuan alo ti a, a lian si a, a hmun phiah lai chuan a kun ve ngei a, a sang bawk nen sanghawngsei hi John chuan ang ati khawp mai a, chutah Ben hmunphiat ai pawn a fai lo zawk. Timothy hian thiam tam tak nei mahse inchhung chet leh ei rawng bawl hi chu atih chi ani lo ve chiang ani, mahse thiam lo leh ti ngai lo chunga John puih a tum ve tlat thin hian John hi a tilawm thin, Timothy pa lian ve tak ni mah se inchhung chet a tih ve meuh hi chuan John hian duhawm ti tawkin a thlir ngawih* thin.

Hna a ngah em vangin dar 9 vel chuan Timothy chuan haw a tum a, Ben leng alo la haw si lo, mahse a haw dawn ro* chuan John in haw tlai a phal silo, hreh deuh chuan a kal ve hnak* a. "Ka lo thlah ang che" tiin John chuan a motor dahna thleng ava thlah a, khua lah chu a dur nguai a, engtik hunah pawh ruah sur mai thei dinhmun ah a awm. A luh dawn chuan Timothy chu a hawi kual zuai* a tumah a hmuh tak loh ah chuan John hmuiah chuan a zuk kiss zeuh a, "Heyy!!! Pawn anih hi" tih pahin lai deuhin John chu a inla hrang vat a, rei ve deuh an tawi an tawi hnuah an inthlah ve thei hram a.

A let leh lam chuan ruah a tla sep* tan a, mahse a la tam lem lo thung. An in a hmuh theih chinah chuan ko tu an awm vangin a ding dat a, hnunglam a hawi chuan, mipa pahnih an lo awm a, a upa ve tawh lam zawk chu a bulah mi chuan a nihliap alo ken sak thlap a, en mai pawh chuan mi khawsa thei ve tak ani tih chu hriat. "Engnge nita?" tiin polite takin John chuan alo zawt vat a, ruah hmi a tlak avangin a kut chuan a lu vel chu a khuh deuh a.

"Timothy pa ka nia, inbe lawk ang" tiin a car dum nalh tak, mi nazawng neih phak mai* loh tur tih hriat tak lam chu a pan a, a bula mi chuan John chu a ko ve nghal a.

John chu a che mai lo, a ding deuh reng a, mak ati em ani, hetiang tlai tawh ah lehnghal. A din reng lai chuan a bulah Timothy pa anga insawi bula mi kha alo kal a, ruah tlak avangin a nihliap chu a rawn zawn a, "Lo kal rawh, a be lawk duh che a, a rei lo ang" tiin a kalpui a, John tan pawh lo duhloh chi ani tawh lo, hreh deuh chuan motor ah chuan a zui a.

A thu luh vel chuan pu Lawma(Timothy pa) chuan, "Ka fapa nen in chungchang hi ka lo hria a" alo ti nghal a, a tawngkam chu a a rum in a nelawm loh em* lehnghal, John chuan ngawi Karin a sawi leh tur chu alo ngaithla a. "Diktak chuan July vel tang deih khan ka hre tawh a, mahse lak thutak ring loin ka lo ngaihthah a" ati leh nghal charh* a, a tawngkam chhuak reng*chuan a thuneihzia a tilang a, a boruak pek chhuah chu uap tak ani, "Mahse, ani tlat lo. Engtin chiah nge ilo thlem thluk chu ka hrelo a, mahse ka fapa hian a nihna a hlauh ani"

"A hmaa a hna leh anu chiha dah pawimawh hmasa ber thin kha, in lo lan atang hian a danglam vek" atih chiah chuan John chu a ip chawih a, 'in' atih khan amah leh Ben ani tih chu hrilh leh chuan ngai loin a chiang em ani, "Kar tawp tin anu a rawn tlawh thin te kha, tunah chuan a hun awl neih zawng* nang leh I fapa tan a hmang a. Chumai nilo a hna takngail ah pawn a hma ang a tluk tawh lo, a hnathawh na hmun zah hle thin khan naupang a hruai lut a, chutah hun vawng dik hle thin kha naupang pakhat mai vangin a tlai ta zeuh* bawk a" a sawi lai chuan John chu rawn in rawlh in, "Khawngaihin ka fapa chu rawn hnuk tel lo hram rawh"  a khup en ran chung chuan a rawn ti a, a mitah pawh a en ngam lo, en ngam turin dik na neiin a inhre lo tlat ani.

"Ka la sawi dawn chauh zawk alom. I hria tho anga a kum ang rualah chuan Timothy hi a hlawhtling em* a, Mizoram ah ngat phei chuan tluk tu an awm ka ring lo, chumi chu hre ran chunga lo chhai inih pawh ka ring a" atih chuan John chu a inhum ruh nasa tawh mai, a sawi tum chu a hrechiang em ani, mi dawhthei tak nilo phei se chuan a tawng chhuak ve tawh ang. "I fapa hian natna a nei Ani awm a, chumi enkawlna zawng* pawh chu Timothy hian a tum tih ka hria, a tamtham viau bawka" atih chuan a chawl dat a, a bula mipa chuan cheque leh pen a rawn pe vat a.

Cheque leh pen chu John malchungah va vawmin "I duh zat chu ziak la, Timothy hi kalsan rawh" ati ta charh a, John chu a zak leh thinrim lutuk chu a khur a, "Timothy hi pawisa vanga ngaizawng ka ni lo" ati chhuak thei hram a, a au a khur nghe*. Pu Lawma chu ngeiawm tak hian a nui suk a, "Engvang pawh chu nise kalsan rawh. Anu in a mamawh mai bakah nangni hian a hna thlengin in tibuai a, bakah tun election lo awm turah hian din ve ka tum a, in chhungchang hi a thang anih vaih chuan kan chhungkua kan mualpho mai bakah ka chhe vek ang. Chuvang chuan I duh zat chu ziak la, kalsan rawh. I lo lan hma khan Timothy hian mipa a duh ngai lo, kalsan la ani chuan a theihnghilh mai ang che, ka fapa hi ka neih chhun ani a, chhungkua tha tak nei turin ka duh, a mipat pui nena awm tur ni loin" ati leh charh* a, John chuah a hmaa cheque leh pen chu laiin a bula thuna awl ah chuan a dah a, "A tan a tha tur anih vangin ka kalsan ang, mahse I pawisa hi chu enga tan mah ka ti love" tiin car kawngkhar chu a hawng a, rang takin a chhuak a, car pawh chu a tlan chhuak ve nghal a.

_______________________________________

Duhzuala x Cavin

nge

Hruaizela x Cavin

(Vote ru le, keimah pawh hian ka la hre bik lo nia😫🤣)

Exam hi hnai tawh over a, ka regu vak lo maithei, sawi lawk sa nih chu o😔