1k a tlingð«ð¤§
_________________
Author pov,
John chuan hmanhmawh deuhin in lam a pan a, a rilru hah in inthiam loh na hlirin a khat bawk. Tuman Timothy chungchang an lo hre lo bawk nen a mangan na chu thuah hnih tak ani.
In a thlen chuan Ben room lam a pan vat a, a dawhkan te a chabi lo awm a hmuh chuan rang taka lain in chu a chhuahsan leh nghal a, Timothy in a thlen meuh chuan dar 10 alo ri hman tep tawh. Hawng nghal tawp lo chuan door bell chu a hmet te* phawt a, "Tim, I awm em? John, min lo hawn la" tiin zawldawh tak chuan voice box ah chuan a tawng phawt a, chhanna a hmuh siloh vang chuan chahbi chuan a hawng a.
Inchhung a luh chuan alo ruak vek a, chhun ni siin inchhung chu padar leh turhverh a inhawn loh vangin a thim mup a, luah lumtu awm lo ang mai ani.
John chuan parda leh turhverh te chu hawngin boruak thianghlim leh eng a luh tir leh te* phawt a, a zawh chuan room lam a pan nghal a.
John pov,
Room ka luh chiaha ka thil hmuh hmasak ber vang chuan ka ding deuh dat a, ka thil va hmuh vang chuan na leh inthiam lohna hlirin ka khat leh nghal vek mai.
Timothy chu a khum sir chhuatah chuan alo chatthla hnawk a,a bulah zu bur changkang tak* a let rem rum a a kutah pakhat ken lai a nei bawk a, engzat chiah nge alo in tawh ang pawh ka ngaihtuah thiam lo, a dose a sang tih ka hria a, chatthla khawpa a in anih chuan a tam thawkhat ang.
Ka va hnaih chuan zawi te* hian alo phun ri mual* a, "Nu, ani min kalsan tawh" "Nu tumah ka nei tawh lo" "Nu, ka kalsan lo ang che itih kha" tih vel ani nawk a.
A bur ken lai chu ka laksak in a ban chu ka darah ka nghat a, khum ah chuan mut that tum takin ka bei a, kei aiin a len mai bak ah a zawi em vangin buaithlak tak ani, phun mual* e tilo chuan a harh thei reng* lo lehnghal.
Ka nghat fel chiah chu a rawn meng deuh phuai* a, ka banrek ah vuain meng chiang lo chuan min en a, nui deuh vur* in, "Mumang ah takngial pawh I hmeltha nia" tiin a lam ah min pawt a. Khumah chuan ka thu a, a tihdan ziah thin in rawn tawlh hnai hrat* in a lu chu a malah a rawn dah a, ala rui ni ngei tur ani, "Nu, ka harh duh tawh lo, khawngaih in hemi mumang ah hian ka awm hlen duh" tiin a nu chu naupang in an nute thil an dil ang hian dil tak meuh chuan a dil a, biak ka tum lai tak chuan a mittui hi rawn luang ngiai* in, "Nu" tiin a chawl dat a, "I hria em, ani chuan vawikhat mah min lo hmangaih ve ngai miah lo asin" atih chuan a mittui tla chu ka hruk sak a, ka biak dawn chuan ka hnuk a ulh tlat vangin ka tawng mai thei lo, "Mahse mo nu, keichuan ka hmangaih lutuk a, ka neih zawng* pawh sen ngai mahse khawvela hlim na zawng* hi pek ka duh" tiin mittui nen chuan a nui leh ver* a, a nu chu hmun leh hmun a bia ang mai ani.
Darkar chanve dawn chu ka mal chungah chuan thlamuang em* hian a muhil a, kei in ka mal mu vek pawh chu hrechang lo lekin a hmeltha leh pa zet chu ka lo thlir veng* thung. A room hnawk leh zu bur let rem rum te chuan ka mit tikham viau mahse ka thawh chuan a harh a hlau bawksi, a mu thalo tih chu sawi ngai loa chiangsa ani, ni thum lek chhung pawn a cher belh rawk* thei lom.
Rei vak lo ah chuan a rawn che deuh tiah* a, a lu chu na deuh ni tur ani a meng hma chuan a dawn leh vang* phawt a. "Tho la, eitur te ka va siam ang" ka tih chuan phawk mangkheng hian a rawn meng kawk a, min en dan atang chuan hmeichhia a tawmpui lai ka manchhuak hi a ang ber.
"Engnge hetah I tih a?" tiin a tho vat a, keiin ka mal chu ka tuai nghal vut* a, nie a lu ringawt pawh kha a zang zawk* bik lo a, a darkar a darkar han delh chuan a mu ve ni.
Ka chhan tak mai loh vang chuan a aia rum deuh zawk hian, "Engnge hetah I rawn tih?" ati leh a, thinrim emo lungawi lo pawh nise ka dem thei lo, hei hi chu ka thiam loh ani tlat ani. "Thil ei rawh aw" ka tih chuan "Haw rawh" nelawm loh tak chuan alo ti hmuk a, khum sir ah bawk chuan a chhuk a, a zu bur alo ruak tep a hmuh chuan a khum hnuai atangin bawm a phawrh a. Tawlh hret* in ka va en ve de* a, ka thil hmuh vang chuan ka ang deuh phuau mai, parcel bawm lian ve tawk ah hian bu bur hlir alo in rem a, parcel chanve chu alo awm ruak tawh a, a chanve dang ah chuan bur 20 vel ala awm thung, "A dang ho I in vek tih na mi?" tia awki sang ve taka ka tih chuan, "Haw rawh" min en miah lo chuan ati leh a, bur 5 ala chhuakin parcel chu a khum hnuaiah chuan nawr lut leh a.
Bur la ruak chiah lo chu laiin a hawng a, in mai a tum chuan "A tha lo emai, ti hi chuan awm suh, I kua a ruak bawksi" tiin ka va laksak vat a, "Engnga tan nge itih chuang, min lainat vang mai* khan min ngaihtuah tak* angin awm suh" ati hlak a, bur chu chhuat ah ka nghat a, a thinrim tih chu hrelo der hmak in, "Engnge I ei duh, ka va siam ang aw, duh leh I puar hunah I chhunzawm zawk dawn nia" tiin dam duam chuan ka bia a.
"Ka tih tur min hrilh turin dik na engmah I nei tawh lo, min then ani lom ni nangman. Tinge tunah engmah thleng lo anga I awma?" a awki chu a vin tawh lutuk ringawt, mahse thinrim a ka tih ve chuan kan buai mai* dawn zawka ka hriat vangin, "Hei ka tifel nga, thil kan ei dawn nia" tiin chhuta a zu lak thar ho chu ka khawm nghal a, alo in leh ka hlauh vang ani, chutah bur pakhat ka la tikeh lehnghal.
Tih fai pawh tifai hmasa lo chuan a bawm dahna chu lain a chhungah chuan ka rem lut ve nawk* a, thinrim vanga mit sen ram khawpa min en na pawh chu hmulo ang hmakin ka haider bawk. "I infiam na ang lek in min en suh, I duh* huna I duh a I duh loh tur ka nih loh hi" thinrim vanga aw khur dar* chuan chuan ati a, a vin tawh lo mahse a rum a huatna leh natna tamtak a tel bawk, a vin vak ai mah in hriat a nuam lo zawk ang. "Ka mamawh lai ber che khan khawnge I awm, min duh loa min hmangaih ve ngai loh thu I sawi ani lom ni, engtin pawn awm ila engtan nge ilo tih vak, thi pawh ni ila engng..." a sawi zawh hma chuan "Chutiang thu an sawi ngai lo" tiin ka lo pawt chat vat a, khawvela a awm velo tur ka ngaihtuah ringawt pawn ka a vek thei, ngaihtuah pawh ka ngaihtuah ngam lo.
"A kal kha chu ka pawm thiam lutuk, a hma tangin ka inbuatsaih lawk tawh" a sawi lai chuan ka han en a, a mittui a tling pam a, han hnem a han kuah vawng* ka duh mahse ka ngam thlot bawk silo, "Mi zawng* in min tuarpui na thu an sawi a, mi tam tak in min awmpui" a inhnit leh hraih a, "mahse mo, ka ruak, ka ruak ngawih* asin. A chhan chu mo khang mi zawng* kha engtan mah ka tilo, midang pakhat mamawh leh a aw hriat chak ngawih* leh mamawh ngawih* ka nei" atih lai chuan keimah zawk chu insum ka insum zo lo, ka mittui vangin ka biang vel chu a rawn sa phat* a, "Khawvela ka mi hmangaih leh ngaihhlut berin kumkhua atan min kalsan a. I hrethiam lo ang ka nu ka tana a hlut zia chu, ka tan chuan nu chauh ani lo, ka pa, ka thian leh ka zirtirtu ani tel. Mahse mo ka nat na ber chu ka nuin min kalsanna ni loin ka bula I awm lo kha sin" tiin chhuatah chuan a thu thla hnawk a, a tap a, keipawh ka bang chuang lo, ka duh leh thlan vang ni miah loin ka hmangaih tak ka tina a, a na ka hmuh chuan a letin kei ka na ve leh a, khawvel kal dan hi chu a mak ani.
A tawng tawh dawn lo emo ka tih hnu chuan, "Khatiang dinhmuna ka awm lai khan keichuan thil pakhat chiah mamawh ka nei. Ka nunna , eng anga ka chauh leh rilru buai lai pawha a vawikhat nui chauh ka hmuha ka dam sawng* theih na, chu chiah chu sin mamawh ka neih" tiin a tap chhuak ta hawm* a, a nu kuang bulah pawh tap lo an tih kha tunah kei mah a anpui vang mai* na takin a awm chu ni si a.
"Ka tihpalh, ka thiam loh vek ani, tihnat che kha ka tum ani lo asin" tiin ka tho a, ka va pan lai chuan ka bur tihkeh chu ka kap a, a lut thuk phian lehnghal, mahse thleng lo ang hmak chuan ka hma mi chu ka pan a, a hma ah chuan va thuin a kut pahnih chu ka la a, min en chuang lo chuan a inhnit feih* a, "Ka tihpalh, min ngaidam rawh aw, ka kalsan tawh lo ang che" tawng lo chuan a awm mawl tawp a.
"Ka tihpalh aw" tiin a awm ah chuan ka va bei a, nghet takin ka kuah bawk.
Minute khat vel chu tianga ka kuah hnu chuan min rawn kuah let a, ka tlan bo deih hlau niawm tak chuan min kuah nghet sauh* a, a lu chu ka lu ah nghat a, a kut lehlam chuan ka sam chu a tuai leh hliau* a. A taksa lum dup mai ngheng pah chuan a thinphu dep* ri te chu ka ngaithla a, ka ngai ani. A bula ka awm loh khan ka ngai em* a, zan mut pawh a har ka ti, tunah a bulah ka awm ta cheng a, a hma ai mah khan ka ngai zawkin ka hria.
"Lalpa leh!" a ti deuh hluai a, ka phu zawk nghe*, bangbo deuha engnge tih ka zawh chuan a tho vut a, zo em* in min pawm nghal lawp a, a khumah chuan dim deuha min nghah hnuin, "A na em, engtin nge itih reng* a" tiin ka ke chu en a. "Ka ke kha!" ka ti ve leh hluai a, ka lo theihnghilh deih lom le, a thi nasa em* lehnghal, ka hmuh tak vang nge a na thut in ka hria.
"Lo che suh" room tlan chhuahsan pah chuan ati a, a phili em* lehnghal, ka ke chu ka en a, a thip ve khawpmai, a thi duh em* lehnghal.
First aid box leh thutthleng te nen chuan a rawn let leh a, a hmaah chuan rawn thuin, "Min tina em* chungin I na hi ka hmu thei bawk silo, amak ve ngawt mai" zawi tea sawi pah chuan a nui suk a. Ka ke bandange leh damdawi hmanga a suasam lai chuan thuawih deuhin ka lo dawh a, a pilh laia damdawi a hnawih chuan a thip deuh chu ka lo phu leh uih* thin.
"Kum bulah khan sana awm, dar engzat nge?" ka ke la buaipui reng chuan ati a, sana chu ka en vat a, 12:15 chiah* alo ni, dar zat ka sawi chuan, "In ah hian lo awm la, Ben ka va hruai ang" tiin a tho a, ka inrin hma chuan min zo takin min pawm lawp a, sitting room lamah min phei pui a, room lo inhawng eng uar a hmuh chuan a nui suk a, a sofa nuam leh dup em* mai ah chuan min nghat a, tv min la on sak thlap zui, nachin lawka mi nen kha chuan dang tawh tak ani.
Remote min rawn pek lai tak chuan ka pum a rawn ri rawk* a, min rawn en nghal vat a, engmah a sawi hma chuan, "Zing atangin engmah ka la ei loa" ka lo ti nghal zat a, "Eitur kan rawn hawn ang, tui bak engmah ka nei silo a" inthlahrun hmel deuh chuan ati a, "Imm, kan ei vek tur aw" ka tih chuan a bu nghat a, dar a en a, "Min lo nghak rei lutuk palh ang" ka hmuia min kiss zeuh zawh chuan a bike chahbi zawk niin ka hria laiin a chhuak nghal a.
Rei vak lo ah chuan ka zun a chhuak ta tlat a, a in a lian si, sitting atangin bathroom pawh hla tak ani. Peih lo ru deuh chuan ka tho a, ka ke in a lei a rah chuan a na ve khawp mai, mahse mipa ka ni lom le tiin ka phei lui taih* a, ka ke nat vang nge ni a hla zek lehnghal. Ka zawh chuan chawka lam ka phei lui leh a, eitur engmah a nei lo tak* mole, ka pum lah chu a ri nasa tawh mai lehngal a, tui bottle hnih chu laiin ka phei leh a, mahni a awm tilo chuan ka phun mual* lehnghal a.
Vawi 4 vel chu ka kal ve tawh a, mahse mahni awm chuan a nuam vak lo, ka hawi hrek* mai, a lian ve em a, mahse ka hlau chu ka ti duh bik chuang miah lo a.
T.V dahna hnuai ah chuan thlalak frame a intar a, ka tihtur hrelo bawk nen ka en chiang chak ta tlat. T.V bul chu sofa tang chuan a tawlh in ka tawlh hi ni ber, sofa mawng tawp ka thlen chuan ka la ban phak mai loh vangin ka chhuk leh nge* a, a ke na e tilo chuan ka harh zek lehnghal a.
Frame inhung ho chu ka en a, an chhungkaw thlalak vel ani, anu thlalak chu a tam fal bik em* lehnghal a, mahse ka hmuh chak ber amah Timothy naupan lai thlalak ber lah chu pahnih chiah awm a. A pakhat zawk ah chuan Cristmas putar bulah hian a ding a, a nui miah lo, naupang te e tilo chuan a tak run reuh a, mahse a duhawm zawk ka ti keichuan, a tet lai atang pawn naupang danglam tak ani.
Dar 1 hma chuan an lo thleng a, pahnih chiah mah nise an thawm chu ring dun ve tak ani.
Ben chu ka bulah rawn kalin ka mal ah a rawn lawn nghal a, a hnungah Timothy chu eitur nen a rawn bawr ve laih bawk. "Apa ke kha na a, khawi lo kal rawh, keimah nen inkawm zawk ang" tiin Timothy chuan Ben chu pawn nghal nawlh a, eitur chu chawka lam ah an kalpui a. "Rice nge biryani I duh?" Timothy chuan rawn au lang* pah chuan min rawn zawt a, "Rice" ka sawi zawng ringawt pawhin ka ka chhunga a awmdan tur ka lo feel nghal vek in hria.
Ben chu a momo eitur nen a rawn chhuak a, sitting room dawhkan a dah pah chuan chhuat ah a thu thla in a ei nghal mial* a, a riltam a hun ve tawh a, ka dem bik lo.
Timothy chu rawn chhuak ve leh a, a bawr khawp mai, a kut lehlam in bawl 2 a rawn keng a, a lehlam ah tray in in tir juice no 3 a rawn chawi bawk a, pui tura din ka tum chuan, "Ngai lo, lo thu mai* rawh" ati tlat a, ka tho ta bik lo. Juice no khat chu Ben bulah dah a, tray leh bawl chu dawhkan ah chuan a hung bawk a, dawhkan te chu laiin ka hmaah a rawn hung a, tah chuan kan pahnih a kan eitur chu dah nghal bawk.
"Chhuat lawng tawp chu a vawt junior" ti pahin cushion chu laiin Ben a thuttir a, remote laiin a duhzawng te chu ahan tihsak leh te* phawt a.
"I ril alo tam tawh viau em?" tih pahin bowl pakhat zawk chu la a, "Ang rawh le" tih leh fian chuan min barh a tum ta mai, "Hey, min hmeichhe chei suh aw" tiin bowl chu laiin ka ei nghal mawlh* a, a lo nui ri hak ka hre zawm nghal bawk. "Ka duat ve che nih kha" a ta ei pah chuan ati a, "Mipa ka nih hi" tih pah chuan ka ei lai chu ka han barh ve pawk a, ka fian ala hmuam zui, "Iva tenawm reuh e" ti nuah* chung chuan ka eizawm a, "Ten der vel lo mai teh" tih pahin ka tih ang chiah chuan a eilai chu min rawn barh a, ala tui zek zui. "A fair lo, ita kha tui zawk, kha inthleng ang" tiin ka bowl chu ka pe a, "I duh a I thlan anih kha aw" alo ti ve tlat, tum deuh bar a ka melh lai chuan, "Ang ang" tiin fian chu ka ka zawn ah a rawn dah a, Ben chu ka zu en dek* a, TV a en tui lai chuan lir pawh nghing se a hre lo ang, "Khawi, min barh zo vek ang che" va ang pah chuan ka ti a, ani pawh chuan nui var* chung chuan min barh zo ve thak a.
Nileng deuh thaw a min zar reng avang chuan riak tur chuan thu ka titlu ta nge* a, han duhloh pawh kha kan tha ve chiah a a chi chiahin ka hre bawk silo, ka chhuanlam tur ber Ben hakthlak lah an lo lei haw diam bawk si, chhuanlam tur awm thlot lo.
Ka ke lo na laklawh ve tawh bawksi nen tumah eirawng bawl tur an awm lih vang chuan tlai chaw pawh take-out bawk kan ei a, Ben chuan Timothy a ngai tawh bawka a bula awm nuam ati hmel chu hmuh nuam tak ani, hw te an ti dun a Timothy workout room ah exer an han la thul, nuam ti tak an ni, ka hmangaih ber te pahnih nuam ti taka an awm chu ka tan hlimna ani ve leh a. Tunah tak hi chuan khawvela hlimna zawng* hi kawl ni maiin ka inhria.
Dar 8 vel atang chuan sofa lian ah kan pathum chuan thuin blanket lian ve zet chu kan sin ho a, a kil ah ka thu a, ka bul ah Timothy chuan Timothy kap karah Ben chu a thu kek bawka. Te ber mah se Ben chuan thuneihna pumhlum anei ti ila ka sawi sual loang, mipa thankin vek tawh pahnih chuan tih tak meuhin Paw Patrol kan en pui a, ka bula mi lah chuan a tuipui em* lehnghal.
I nun pumah khan eng hun nge nuam itih ber tiin min zawt se tun hun ka ti ngei ang. Mi chuan zakthei lo paw min ti maithei mahse chhungkua kan ang ka ti takzet, hlim viau e tilo chuan ka hnuk a ulh leh dawn* mai nia. Ben chu TV en chuan a tlei viau a min ngaihsak tawh lo hrim*, puan chhan ah Timothy chuan ka kut a khalh neuh* reng a, keipawh a dara bei thlap in TV chu ka en ve a.
Ka lo muhil hman ani chek ang chu, "A muhil a, ka han mut lawk ang" Timothy an ka beng bula a rawn sawi se* vang chuan ka harh a, "Imm, khawnge kan mut dawn?" tiin ka lo zawt let a. "Ka room ah ac awm a Ben hi ka han mut ang, nang chu ka bulah" tih leh a pawm nawlh a, a chhohpui nghal nal* bawka, ka tawng ve hman lo re*.
A rawn chhuk leh lam chuan thawm chu dim tak hi ani ringawt,naupang dang angin Ben a mu nghet ve tak* ngai lo tih a hriat vang pawh ani mahna.
"Hemi season hi zo se, kan chho ve deih dawn nia" rawn in thawlh sawt* pah chuan ati a, keichuan awih lo deuh hian, "Paw Patrol hi maw?" tiin ka zawt a, ani lah ta pek chuan "Imm, bakah sawipui a nuam leh dawn em asin" ka kut a kawnga dah pah chuan ati a, hepa hi chu hmangaih loh theih pawh nilo. A kawng ah chuan nghet takin ka kuah a, "I rim te hi ka ngai tawh lutuk" tiin ka kawr chhanah chuan ka hnim vak a, ka ke chu a ke ah dahin ka khan ar* reng bawk.
Ka hmui chu a khat tawkin a rawn kiss leh zeuh* thin a, kei lah mut kham lo chu ka lo ka harh leh zawk* thin. "Bawihte mu tawh mai ang aw, I meng thei tawh lo nih kha" TV off pah chuan ati a, kan thil eina vel te chu a dahfel sawk* hnuin blanket lian chuan min rawn zial a, "Hey, nge tih" ka lo ti ve hluai bawk, "Ele, ka pawm chho dawn che" tiin blanket chawp chuan min pawm a, phei pahin light vel a off fel vek a, inchung lam min pan pui a, "Min hmeichhe chei suh ka tih kha aw" tiin kan han inhrilh leh rih bawk.
Room kan thlen chuan khum ah chuan min mut a, a room ang em* a lian chu nilo naiin nuam tak ani. Ka ke na chuan min tham ve deuh nge ni engmah ti silo chuan ka chau ve nghulh a, a rawn mut dawn chuan, "Light I off dawn lo mi?" tiin ka lo zawt a, "Aih, ka en duh che lom" atih zawh chuan ka bul ah a rawn mu fel ve der tawh.
"Karleh Saturday hi tiro Ben birthday?" inngaihtuah vung* pah chuan min zawt a, "Imm, October ni 15" tiin ka lo chhang a, ka ngaihtuah na chu a kal thui hle thung. "Engtin nge ka lawmsak ang?" arawn tih vang chuan ka ngaihtuah na tang chuan ka harh a, nui hak pah chuan, "Engtin vak nge lawmsak i tum a?" tiin ka zawt let a. "A piancham ka awmpui hmasak ber ania, a perfect hle ngai lom, ka hotel ah ti ila, nge in ah hian I duh zawk em, nge picnic spot ah I duh zawk"
"Awii ala hla emai, bakah pui tak a ngai lo, kan inah ni leh mai, kan chei deuh nga, thainte thenkhat kan sawm nga, a bak tih vak ngaih na awm lo" ka tih chuan pawm loh hmel fe hian min rawn en a, "Teuh lo mai, ka hotel ah kan ti ang, a Birthday ka lawmsak dan tur ah kher hi chuan min dang thei lo, tum pawh tum buai suh" ati nghal hlar a, tiang ah kher hi chuan kan inthurual thei lo.
Timothy pov,
Ka bam khama tui em* a mu John Lalhlimpuia chu mit tla lek lo khawpin ka thlir vawng* a, engtik atang khan nge he mihring hi ti em* a ka hmangaih hman ka hrelo, ka hmangaih mai pawh nilo, ka nunna peng ani ka ti lo thei lo.
Ngaihzawng chu ka nei ve fur tawh ngei alom a then phei chu ka duh ve thei lutuk, mahse an ni chu ka vei ve ngai lo, ka be chak ve thin ngei mai mahse an aw ka hriat loh changin thi tur ang maiin ka awm ngai lo, ka lo kawp tawh te lakah chuan ka dik loh na ah pawh ngaihdam ka dil ngai lo, mahse ani ah hi chuan ka danglam ka tihsual ka hriat loh pawn a lungawi na tur anih chuan vawi sangtam pawh ngaihdam dil ka hreh lo, midang tana ka tih ngai loh leh tih ka inrin ngai loh thleng in ka ti.
Dar 2 vel ah chuan ka zun a chhuah vang chuan ka harh a, John in ka ban a kham chu a harh loh nan dim tein ka la a, ka room ah kha chuan bathroom kha awm a, ta chuan a awm ve tlat loa "Bathroom dah vat a ngai nih hi" tih nang* pah chuan ka chhuak a, kan mutna chiah leh ka room hi a in ep chiah vangin Ben in kawng khar paha ka lam a rawn pan chet* chu ka hmu a, a hmel chu a dik viau lo lehnghal.
Bathroom pawh kal ta mai lo chuan ka va pan a, pawm chhoh pah chuan "I mu thei lo mi?" a sam tuai sak pah chuan ka zawt a, "Ka mumang a nuam lo" tiin ka awmah chuan a rawn bei a, a hnung beng thek* pah chuan, "A pawi lo, I bulah ka awm ania" tiin chawka lam ah ka chhuk pui a, dawhkan ah chuan nghatin vawin a kan icecream lei chu fridge atangin ka phawrh sak a, bawl ah suakin "Apa hrilh loh tur aw" tiin tam vak lo chu ka pe a, "Lo ei lawk la ka lo let leh nghal ang" tiin bathroom chu ka va hmang lawk a.
Ka chhuah chuan bowl chu alo ruak hang tawh a, naktuk ah John in a hmuh loh nan ka sil fai leh nghal thlap a, dawnkan atang chuan pawm lehin kan mutna room lam ka panpui a, "Apa bulah hian mu rawh aw, chuan kei saw tah" tih pahin ka room awmna lam chu ka kawk a, mahse ka kut chu vuanin, "Ka bulah mu ve rawh" a mitmeng pawisawi lo zeta min en chung chuan ati a, hnial chi zia zang ani lo.
John a nawm vak loh avang chuan keimah ber chu a laiah ka mu ta kuk a, a chhan chu pathum kan mu a, Ben in tihpalh thila a tih harh ka hlauh vang ani.
A mut theih mai loh vang chuan ka naupang hla thiam ang* chu zeilo zetin ka han sa ve a, a changin a lyrics dik lo aman a rawn siam tha thul, hetiang ang dinhmun ah hian vawikhat te mah ka la indah chhin ngai lo. A mutthilh hnu chuan a mang chu a te a te e tilo chuan a chhe reuh phian a, a ke te reuh te chuan min khan ve ngar* a, apa ang chiahin a thaw sek* reuh lehnghal a. An pafa mu chu ka thlir tawn sek a, en tur zawk pawh ka hre tawh lo, an duhawm dun em atin ni. Hetiang em* hian mi hlimna leh lawmna siam hi ka la chak chhin ngai lo, mahse an lo lang a, an nui hmel hmuh nan chuan ka neih zawng* pawh hi hnam ral ka huam ani.
_______________________________________
A thui ve reuh em a, like chu ka phut ve thei in ka hriað¤
Chuan story thar "The President Secret" tih ka ziak leh mek a, chapter 1 ka up tawh aw, in lo chhiar ve leh theuh dawn niaðð¼