Ti pawp* mai ang, thu hmahruai tur pawh ka hre chuang loð¤£
__________________
Timothy pov,
School ban chuan tumah be kawi tawh loin ka chhuak nghal a, permanent in thawk dawn lo mah ila a ni khatna chu nuam ka ti lemlo khawp mai, naupang ngaina mi ka ni bawk nen.
Ka motor kawngka ka hawn chuan ka ke rawn kuah chawt tu an awm tih ka hria a, rang deuhin ka hawi let a, tumah ka hmulo, hnuai lam ka melh chuan mipa naupang pakhat hian ka ke Chu nghet deuh in alo kuah a, "Apaa" atih chuan a apa emo min ti tih ka hrethiam nghal a, a rawn hawi chho va "Ahh, ani miah lo" a tih chuan apa ka ni lo chu a lawm vak lo niin a lang, zawi muang in ka ke chu a thlah riai* a.
"Class engzat nge nih" zuk melh thlak deuh run pah chuan ka zawt a, heng ang rual hi chu ka buaipui thiam hlol lo, thlem chu sawi loh, an tlei hle* lai ka awm tura an rawn dah chuan an tap nghal ang tih ang ani. "KG 1" rawn hawi chho ha chung chuan min chhang a, ka mitah chiang takin ala en kiau lehnghal. Ka en thla a, ka chhanna nghak niawm fahran chuan min lo en chho va a, hetiang renga kan inbiak chuan a nghawng te reuh te khu ala khan vat ang, a hmaah chuan ka zuk thingthi ta nge* a. KG 1 class teacher a haw tawh bawksi, ani lah chuan ka mitah tak min la en kiau reng bawksi, a ngaihna hrelo deuh chuan ka en ve reng a.
"Ipa iti bo mi, nge ati bo che?" tia ka zawh chuan chhan ngaihna vak a hrelo, ka tawngkam thaim loh lutuk vang ani. "Ka sawi awmzia chu ipa awmna I hria em?" tiin ka zawt tha leh a, "Nichin khan tah sawn amah ang deuh ka hmu" tiin gate pawn lam chu a pan kawk a.
"Va en chhin ang" tiin gate lam pan chuan keimah ber chu ka kal deuh vut a, gate ka thlen chuan "Ipa kawr rawng chu ila hria em?" tiin ka ka sir lam en chuan ka zawt a, alo awm reng* lo, hnung lam ka hawi chuan school bag ak chung hmanhmawh deuhin a rawn kal a, ka rualpui kalpuiin ka kalpui tih ka hre chiah, "Ava buaithlak tak" ka ti hluk a, mol ka inti takzet. Ka bul a rawn thlen chuan a thaw hliam* a, a nui sen* reuh lehnghal, ka khawngaih ang reng khawp mai, a ke te reuh te leh keia bawp sei zet chu tehkhin rual ani lo lom.
"I hah em?" tiin ka zawt a, a hah lutuk thaw hliam* chung chuan a lu a thing a, ka nui ringawt, "Muangchangin in kan zawng dawn nia ipa chu" ka tih hnu chuan hmanhmawh tawh lem loin kan kal a, apa a melh pah reng a, kalpui tawp loh chu tih theih ka nei lo, apa hmel ka hre ve lo miau ani.
Kan kal rual reng emo ka tih lai chuan ka sir lam ka en a, alo awm tawh reng* lo, hnung lam ka hawi chuan min rawn um leh hlawk* tawh, ka lo kalsan leh anih dawn hi. Ka bul a rawn thlen chuan nin hmel zetin min en a, a kut te reuh te chuan ka kut a rawn vuan a, a nem em* lehnghal, zawhna mitmeng a ka en chu hrethiam niawm tak hian "Nang chu min theihghilh deih zel a inkai mai ang" ati nang* a, he naupang hi a danglam takzet.
Inkai chung chuan a pa chu kan zawng zel a, kan thleng thui tawh angreng hle bawk. Kan hmuh theih bawk silo ah chuan school lama let chu ka tithlu a, alo duh ve mai bawk. School lam pan chuan kan let leh a, kawng chanve vel kan thleng tihah ka kut chu a thlah thut a, "Apaaa" tih pahin mipa pakhat, en mai pawha la naupang tih hriat, ngaw lampang, hmeltha ve tak, sang em* silo mahse a pian chu dik hle, rilru hah hmel deuha lo ding chu ava kuah chawt a, chupa pawh chu chhuatah chuan a thingthi nghal thlawp a, a fapa niawm tak chu a khauh a, a lawm hmel takzet.
An bulah chuan ka va kal a, "I fapa hian ati bo che a" tih pahin amah chu ka en a, ani pawh chuan min rawn en chho deuh ha a, naupang te nen khan an mitmeng a inang reuh lutuk. A rawn ding a, ka sawi awmzia hrethiam lo niawm fahran hian min en a, ka tawngkam thaim loh lutuk vang vek ani. "Ka sawi awmzia chu a zawng che a" te chu kan titha leh a, ka awmdan a lai vek alom le.
"Ka lawm lutuk aw, police ah lo kal ka tum hman tawh a" tiin lawmthu te min hrilh luam a,"Umm" tih lahin naupang lam chu ka en a, ala kut chu nghet deuh in alo vuan a, "Engnge I hming" tiin ka zawt a, "Benjamin Lalrinhlua, ka thiante chuan Ben min ti thin nangpawn tiang chuan min ko mai rawh" nui var* chung chuan ati a, "Awle, kan inhmu leh dawn nia" tiin ka kalsan a, min bye lauh* a keipawn ka bye let ve, school ah ka car ala awm miau vangin school lam panin ka letleh a.
Ka in lam pan loin ka nute in ah ka penb hmasa a, ka nun min hmuh chuan alo lawm ngei mai, sitting room lamah min hruai phei a, min be siam* a, min thlakhlelh hmel takzet, diktak chuan keipawn ka nu hi ka ngai a, tunah ngat phei chuna a natna a zual a, a bula ka awm theilo hi hrehawm ka ti.
"Bawiha engtik thleng nge tiang hian I awm dawn, ipa chu ngaidam tawh mai rawh ka tan tal pawh" tiin ka nu chuan min ngen a, nidang ah pawh a tihdan fo ani, khawvela thil awm zawng* hi pek ka duh, mahse hei kher hi chu ka theilo. "Tiang lam hi chu sawi loang , nangmah engnge I an, vawin lam te I dan em, I result engnge a an" tiin ti* dang ka vawrh a, beidawng hmel tak hian a thaw hak a. "Keichu ka tha lutuk damdawi in ah pawh ipa in min kalpui vek a, nang zawk engnge I an vawin lam te keimah vangin I buai lutuk lo mo" inthlahrung hmel takin ka nu chuan min zawt a.Ka nu hi tuna ka thawhna school ah hian class 9-12 English teacher a ni a, mahse a dam that loh vangin a ai thla thum vel ka kal dawn ani.
Keimah tak hi chuan hotel ka nei a, ka kum ang rualah phei chuan a hlawhtling pawl ka ni, mahse ka nu hian a teacher hna hi nuam ati a, hrisel lo hle mahse chawlhsan a duh ngai lo. A zual deuh hian a ai kal a la mai thin a, mahse vawikhat a la sual tawh a, naupang te nilo deuh* in alo hrem thin a, amah vangin rei tak kan buai nghe*, khami tang khan ka nu hian ai kal lak a duh tawh loa, keimah hi thla thum vel ka kal dawn ani.
Author pov,
"Nimin ang khan I tlai leh vaih" tiin Ben chuan apa chu a en run* a, "Tlai tawh lo ang, khawi pinky promise pawh ka ngam" tiin John chuan a kutzungtang chu Ben hmuh turin a dah a, Ben pawn alo ti ve vat a, an in promise leh te* hnuah Ben chuan class lam a pan a, John chuan Ben kal liam chu alo thlir ve reng a.
A let leh lamah chuan car dahna tanga mipa rawn chhuak chuan amit a la nghal a, chupa lam chu panin a phei a, "Nang elo. Nge hetah I tih ve a" John chuan Timothy bul a thlen rual* chuan ati a, "Ka nu ai thla 3 vel ka kal dawn a" tiin school lam melh ralh pah chuan Timothy chuan alo chhang a, "Nimin khan I hming pawh ka zawt hman ta lo chea?" tia I hming min lo hrilh tih mitmenga John in a en siah chuan Timothy chuan "Timothy" tiin a chhang a, John pawh chuan "John ka nia" tiin a kut chu nui var* chungin Timothy chu a pe a.
"Johnnn" tia ko ri a awm takah chuan a ri lo chhuahna lam chu an hawi rual a, Esther-i alo ni, a ha var rual tha tak lang chuan a rawn nui a, a hmeltha a, a pian a nalh a, a mah a sang lemlo naa, mahse chu chuan ati lang duhawm em* lawi si.
"Nimin kha ka hlauh hman zia chu, min lo call vat lo la chu police kal te kha ka ngaihtuah hman a" a rawn ti nghal bawrh* a, "Kei deuh asin hlau a, mahse hei vanneih thlak deuhin Timothy nen hian alo in hmu hlauh a" Timothy lam hawi chuan ati a, Esther-i chuan Timothy chu a awmve tih alo hmu lo hrim* , Timothy chu en in "Miss Ruati ai lo kal kha ini tiro, a fapa kha" tiin a zawt a, "Aw nie" tih te mai hian Timothy lah chuan alo chhang a.
"Miss Ruati chu lo dam vat rawh se, a awm loh chuan school hi a reh teh nia" tiin Timothy chu a hrilh a, "Ka lo hrilh dawn nia" a tih zawh chuan John bulah a kal tur thu hrilhin John leh Esther-i te chu a kalsan a. "Nimin nileng khan biak tawng an tum a, a rul tawk te* chiahin a chhang a, anu nen chuan an inang lo teh e, Miss Ruati kha chu a nelawm top a, mahse a fapa hi chu hmeltha in pa viau mahse biak pawh ka be tawng hleithei lo" Timothy kal liam en pah chuan ati zui nang* a.
"Nimin half holiday nia, bakah a ni khatna te nia a zam ve niang" John chuan alo ti vat a, "Nghak deuh la, chance chu awm em* ang" atih chhunzawm zat bawk, a sawi zawh chuan ngei hmel Fe hian Esi chuan alo en a, "Duh dang ka nei, bakah ka kawm bawrh* theihloh te chu ka duh teuhlo mai, chuan pakhat ah ka rinawm ania" tih pahin school lam chu a pansan a. John leh Esi hi high school tang deih tawhin an inkawm tawh a, an inngam em* bawk, Ben luhna ah Esi lo thawk kher bawk nen, an inkawm chhunzawm ta zel ani.
Timothy staff room a thlen chuan hmeichhe ho chu anlo insiam tha sawk* a, a hmeltha a, a kum ngaihtuah in a hlawhtling em* a,han hnar phal chi ani lo alom. School ah chuah lo, a thawhna leh thawhpui te ah ngei pawh duhtu leh betu chu a ngah mahse erawh Timothy hian a ngaihsak lem lo, hmeichhe over fal deuh phei hi chu a ning thei lutuk, a chang phei chuan be miah loin a kalsan top thin. A nelawm loh vang em* pawh ni loin ami duh loh chu biak that a tum lem lo, a mizia ani loa, an biakin a chhang a, a bak a awmzui ngai lo, a duh tak ala tawn loh vang te pawh aniang e.
Chhun dar 12:30 a ri tep tawh a, John pawh chu a tiam ang ngeiin school kawtah a ding vang tawh a. Khua a en a, a thlen tirh lai ai khan a dur a, ruah sur maithei dinhmun ah a ding ani, nihliap emo raincoat alo keng lo bawk nen a rilru chu a hmanhmawh tawh hle. A hnu deuh ah chuan bell a rawn ri a, naupang an rawn chhuak nang* a, an zingah Ben pawh a telve, Ben lo thlen vel chuan John chuan hmanhmawh deuhin a scooty ah a kalpui a.
Ruah a sur hmaa thlen ngei tumin John chuan a khalh a, a hmaah Ben pawh a thu ve vang a, "Apa tlan rawh, tlan rawh, iti thei ania apa" tiin apa chu alo fuih ve char* bawk. Vanduai thlak deuhin kawng chanve vel an thlen chuan an scooty chu a nung thei ta tlat lo mai a, an tlanna alo fal tawh angreng bawksi, ruah lah a tla tan fek* tawh bawksi, John chuan Ben chu a chhukpui vat a, ruah in a nan lohna lai turah Ben chu ava dah a, vanneih thlak deuhin a tlak tam tak* hma chuan a Scotty pawh chu a hul lai a thlenpui hman a, han tihnun ngial a tum a, a nung thei bawk silo chu an pahnih chuan an ding ta reng a.
Darkar chanve dawn an awm tawh a, ruah lah a tam tial* bawksi, Ben lah a khur det* a, John chuan a kawrlum pante chu a haktir a, a awm ah a pawm bet tlat a, a hawi kual a hawi kual lai chuan motor horn a hriatna lam chu a hawi a, motor chuan an lam a rawn pan tih pawh a hria, mahse tunge tih ala hre mai thei lo. An bul a rawn thlen chuan motor darthlalanh chu a rawn inhawng a, rin loh deuhin Timothy alo ni, "Rawn lut rawh" tiin a au a, au ring hle mahse ruah a sur nasat avangin a ri tek* chauh ani. John chuan Ben a en a, a khur nasa tawh bawksi, zah pawh dawn lo chuan a luhpui ta tawp a.
"Towel kan la ang" tih pahin Timothy chuan backseat lam chu a ban a, towel thianghlim em* hi a rawn phawrh a. John chuan lo la vatin, "Ka awm lutuk aw" tih pahin Ben chu a hru mawlh* a, ani phei chu tawng pawh tawng loin a khur hlek* ringawt. "Ummm, chuan khawnge in awm" atih takah chuan John chuan an awmna te a hrilh a, a hla vak tawhlo bawka an thleng har lo.
"A sur tam tial* sia, rawn lut lawk mai rawh, a han hunah I kal leh mai dawn nia" car atanga an chhuah dawn chuan John chuan ati a, hnial engang mahse a tihluih tlat avangin Timothy pawh a lut ta nge* a. "Tui kan lum ang, coffee te kan in dawn nia" in an thleng chiah chuan John chuan ati nghal bawrh* a, Timothy pawh chuan chhan pawh a chhang hman lo ani ber."Insil vat la, I inthlak nghal dawn nia" apa in atih takah chuan ngawi rengin Ben pawh bathroom lamah a phei a, motor an chuan chhung zawng khan a khur tluan thak a, a tawng miah lo lehnghal.
John pawh chuan coffee te chu a siam mawlh* a, a inthlak fai hnuah, sitting room lamah ava phei a, Ben pawh Timothy bulah a thawnthu bu nen alo thu vang tawh mai. Timothy ban chu Ben chuan alo ngheng deuh ur* a, a thawnthu chhiar te chu Timothy chuan uluk deuhin alo ngaithla a, John in ava hmuh chuan mak ati lutuk, ava thlen chaun Timothy chuan Ben chal vuan chuang chuan, "I khua a sik anih hi" ati deuh hluai a
_______________________________________