A tlai theih thin ngei maið«
___________________
2 month later
John pov,
"I hna chu engnge a an hmel a?" U Matthew-a chuan chawka lama rawn phei pah chuan min rawn zawt a.
"Zia viau, ka rin aiin hlawh pawh tha a" tiin tha deuh ka chhang a, "Ben ber hi nia, boruak thar hi ala zawngthang chiah lo a, haw ka duh atia a tap mu thak mai tunah pawh" ka tih chhunzawm a.
U Matthew chuan chair ah thu thla in min rawn en a, "John I mut that theih loh pawn chaw tal chu ei tum la" beidawn hmel tak chuan a rawn ti a.
"Ka ei alom" tiin nui deuh chuan ka lo chhang a, mahse min awih loh hmel viau thung. Bangalore kan thlen atangin thla 2 erh awrh chauh ala liam a, ka thlen tirh nen a khaikhin kha chuan midang ang hlak ka ni tawh. Ka cher kawk* a, ka mut that loh vangin dark circles ka nei reng bawk a, tha tho lai ka nei ngai bawk lo, ka inthlak nasa lutuk hi a hmuh hmaih bik lo te pawh ani ang.
"I cher tawh dan te hi an en teh, I fapa hi ngaihtuah rawh, nangmah bak neih a nei lo chu* nang baka hrechiang an awm lo" a tawngkam leh min endan atang chuan min ngaihtuah tih ka hai lo, "Ih mo, khawvel chu a inher a inher ang a, tuna kan awm ang reng hian kan awm dawn lo, beiseina siamsak ka tum che ani lo a, mahse khawvel ah hian dam taka in la awm anih chuan in hmuh leh hun in nei ang ch--" a sawi lai chu lo pawtchat in "Min lo theihnghilh tawh ta se" hnuailam en chuan ka ti sap a, sawichhuah ka tum pawh ani lo.
"Nau hmangaihna dik tak anih chuan a theihnghilh tawp lo ang che, nangpawn I theihnghilh lo ang. Thihna chu tihna ani a, a tawp chiang em a beisei leh chuang tur a awm tawh lo, thihna em in a la hrang lo che u hi lawm hliah* zawk rawh. Thil chhe ber kan tawn lai pawn a eng lam hram* mi te hian a tawp ah hlim na an hmu thin ania" ati leh dap* a.
"Ka hrechiang che a, I chhel zia pawh ka hrechiang chuvangin chak taka awm tum rawh, hetianga chaw ei leh mut I thulh reng anih chuan I hriselna in a tuar vat dawn a nia" tiin min hrilh a, doctor ania a thusawi chu a dik tih pawh ka hria.
Mahse a har lutuk chaw ka ei dawn apiangin a ei a ngem tih ka ngaihtuah a, chaw ei a thlahdah dan ah a ei dawn lo tih ka hrechiang mai bawk si, ka mut dawn apiang in a ban tha chak takin min kuah lai ka ngaihtuah let a, tha takin mutmu a tuah a ngem tih ka hrelo a, ka tan chuan chaw ei leh mut chu har tak ani. Ka mutthilh ve chhun apiangin ka mang lam ah ka hmu a, hun nuam tak* min hmanpui a, ka harhchhuah a a tak ani lo tih ka hriat apiangin ka mittui alo tling leh pam thin.
Hetiang em* hian a tello a awm hi ka harsat ang tih ka ring ngai lo, thawk harsa ka ti a, ka thil tih leh hmuh apiang ah ka hrechhuak a, ngaihtuah loh ka tum lahin ani bakin ka ngaihtuah na a luah thei bawk silo.
"John" tia U Matthew an min lo auh leh chuan ka harh zawk a, a hmai sa hat* avang chuan ka tap tih ka hria, rawn thoin ka hma ah chuan a rawn ding a, ka lu chu a kawng zawn ah chuan kuahin "Ngati nge I vanduai bik em* mai le" ka sam chul pah chuan ati a.
U Matthew hi ka nu u fa ania, amah chiah hi fa an neih vangin a tet lai tang in ka in ah a tal nasa a, ka tan ngat phei chuan cousin ni loin ka u tak* ang ani. Ani chiah hian ka pa in ka chhuahsan hnu ah min rawn be pawt thin a, kan mamawh te min zawt in kan in ah pawh a rawn kal tawh nghe*, nikum hmasa khan Bangalore ah hian a hna vangin a insan a, inhmu thei lo mah ila phone chuan kan la inbe ve reng thung.
Pan tur leh belh tur ka hriat loh avangin Ben tih loh ah ka chhungkaw neihchhun tak meuh* anih vangin ka zuk bia a, chanchin zawng* pawh ka sawi hma hauhin a ina awm turin min ti a, ka hna thawh tur leh Ben school kalna tur thleng in alo buaipui vek bawk a, ka tan chuan hlu tak ani, ani awm lo se chuan khawi ah nge ka kal ang pawh ka hrelo.
Author pov,
"Tho rawh, thla hnih pumhlum tawp chu in hi ila chhuahsan miah lo ani" David-a chuan a thianpa khum kila thu chu beisei nei lo zet hian a vawitam tak nan ava hrilh leh a, a ngai ang bawkin "Min kalsan rawh" tih bak chhanna a dawng lo.
"Chaw ei lok teh" a chhanna chu hrelo hmakin David-a chuan ati leh a, "Min kalsan mai thei lo mi a!!" Timothy chuan a rawn vin hrawk a, David-a chuan a ai vin mah chuan "Thei lo, ka thian tha ber hetia a awm hi ka en mai* thei lo anih hi, iti pachang ta che I taksa te kha ngaihtuah rawh, thla hnih chung mumal in engmah I ei loa, engtin nge ka kalsan theih ang che, drip khai lahin I lathla zel bawk si" ati a, Timothy an a chhan loh vang chuan tawngkam nem zawk chuan, "Heti chen hi kan inkawm tawh a, hetianga I awm hi ka la hmu ngai lo che, engmah ruih nei miah silo in englai mahin I harhfim loa, tunah hi chuan thlarau nei lo ang mai inih hi,tianga hmuh che hi hrehawm ka ti" beidawng tak chuan ati a, a thianpa chu a en a, heti reng anih chuan a nunna hian a tuar mai ang tih a hlau ani.
"Engtin nge an tel loa ka awm theih a rin reng* zawk" Timothy chuan a awki ngai chiah chuan a rawn ti a, "Engkim min hrilh tur ani sin, tinge a zep, min ring ngam lo tur khawpin ka lo nep em ni?" ati leh hrawk a.
"Ngaihtuah chiang ta che I pa khan a fapa nunna in a vo asin, John tana a harsat tur zia te kha ngaihtuah thleng ve rawh, tinge nangma lam chiah I thlir a tuartu in ni ve* tih hre ta che. A kalsan tu tana a nat leh hrehawm zia hi I hrethiam kher lo ang" David-a chuan ati a, Timothy an a chhan loh vang chuan "Nangmah hi chak takin awm rawh, an in nghahna ni ta che, ipa lak atanga venghim tura I chak a ngai, tinge ti mai* a I awm harhchhuak ta che heti ringawt chuan nangmah hian I thih phah mai ang"
David-a chuan ati a, tawngkam nen pawn a daih seng tawh lo.
Timothy pov,
"Khawiah nge I awm leh tak a, ava bengchheng ve khawnge I awm, motor I khalh ami?" David-a chuan phone atang chuan a rawn ti nghal bawrh* a, motor ka khalh vangin ka chhan hma chuan ka earpods chu ka vuah phawt a, a bengchheng leh hman viau tawh.
"Nimin khan ka chhuak a" tiin ka chhang a, ka kalna min zawtzui lo se ka ti viau mai. "Khawi ah" atih chuan dawt sawi loin "Sumsuih ka thleng tep" tiin ka chhang a.
"Chu* khawi khua nge anih pawh ka hrelo, a awmve tih pawh ka hrelo" a chawl dat a, "Tim, an awm kher lo ma--" a sawi zawh hma chuan "Ka hria" tiin ka chhang nghal hmuk a.
"Kum khat. Kum khat a tling tep ania aw" atih leh chuan a sawitum ka hrethiam nghal a, "Ka thih hma chuan ka beidawng lo ang" ka ti nghet nghal charh a.
"Ka hria mahse" sawi chhunzawm ta lo chuan thaw hakin, "Duhsakna ka hlan a che" tiin phone chu a dah a.
Min ngaihtuah tih ka hria a, hun hrehawm leh rapthlak ber ka paltlang lai in ka bul ah awmin a thiam ang tawkin min hnem a, ka hliam tuam dam thei lo mahse min tawrhpui a, min thlahthlam ngai lo, thian tha in a tihtur zawng* chu a hlen kim vek ani, ka chunga a thatna zawng* hi rul dawn ila ka rulh sen ka ring lo.
Ni 354 na chiah ani, January ni 11, kum khat a nih nan ni tlem te chiah a ngai tawh.
Kum khat tal tawp tep chu hmun hrang* ah ka zawng kual tawh a, Aizawl chhung nghat phei chu a kil khawr ber thlengin ka dap chhuak tawh mahse khawi ah mah hmuh tur an awm lo, biak tlang theihna zawng* a bo fai vek a, an chanchin hre miah loin ka zawng a, an kalna tur rinna lah ka nei lo, mahse ka beidawn dawng apiangin meimitchhing in an nui hmel te, hlim taka kan awm ho lai te ka ngaihtuah a,chu chuan chakna thar min pe leh thin.
Sumsuih lam panin ka car in ka inkhalh mek a, Google map atang chuan darkar khat vel ah ka thlen a rinawm. Aizawl chhung ah chuan zawn na tur thlot ka hre tawh lo, ka dap chhuak hneh tawh em ani. Aizawl khawpui tiam lo ah chuan district hrang* ka zawng chhuak nual tawh bawk a, Camphai, Serchhip, Lunglei, Thenzawl, Vanlaiphai tih te chu Aizawl khawpui ka hriatchian ang tluk zetin ka bel tawh.
Tuna ka kalna tur phei chu a hming ringawt pawh ka hriat vawikhatna ani a, ka thlen na tur pawh ka hre chuang lo, hotel emo guest house vel a awm loh chuan ka tih fo dan angin ka car ah ka riak ang. Thingtlang kilkhawr ber* thlengin ka kal tawh a, riahna tur awm lo te pawh tamtak a awm, chutiang hun ah chuan mi in vel a riak loin ka car chhungah ka riak mai thin.
Khua ka luh tan chuan ala tlai chhe lo a, feh kal tur pawh ka tawk nual. Car atang chuan chhuakin ka en kual a, nula rawn kal ka hmuh chuan an khua headmaster awmna ka zawt vata, ka awmna atangin alo hla lo a, bak ah kawng an taka awm an lo nih vangin zawng buai em* lo chuan ka hmu vat a.
Ka tlan na alo thui tham deuh bawk nen car chhungah awm mah ila ka paw deuh thup a, kawng ka kik dawn chuan ka inbeng fai hmasa leh te* phawt a.
Vawi hnih vel ka kik hnu chuan inchhung lam atanga "Lo lut rawh" hmeichhe aw hian a rawn ti lauh* a, headmaster chu school ala kal loh hram ka beisei.
Ka luh chuan an nu ber ni awm tak hian min lo chhawn a, a nu lian a tawng pawh a tawng duh barh* khawp mai. Headmaster te in anih leh nih loh ka zawh chuan "Ni e mole, a rawn lut apiang hian in rawn zawng a, min rawn zawng tu hi an awm ve ngai lo reng*" nui hak* chuang chuan ati a, an nu berin a zir hmel bawka inleng lut pawh an neih tam thin viau ka ring.
"Pa a, hei an be duh che niang" tiin an room lam niawm tak chu hawiin a au lang* a, "Aw, ka rawn kal" tih chhanna in a rawn zui bawk a, "Hmeichhia ang mai ania, a insiam rei thei lutuk a. Khawi thingpui te ka va siam ang che" tiin ka chhanna pawh nghak lem lo chuan chawka lam chu a pan a.
Ka nghah pah chuan an in chu ka en kual a, bungrua chu an ngah lem lo nain a thianghlim sar a, an nupa thlalak ni awm tak* pawh bang ah a intar fur bawk.
"Kha ei ve rawh" tiin mipa naupang pakhat hian sweet min rawn pe a, ka bul a rawn thlen hma kha chuan a awmve tih pawh ka lo hrelo hrim*. Ka lak mai loh avang chuan ka kut chu laiin sweet chu a dah a, en mai chuan kum 6 atanga kum 5 vel bawr a nih hmel, ka bulah chuan rawn thuin sweet dang a ken chu a ei a, ka en hian Ben ka ngai thar zual ngawih*, ani ang tiat hi ani ve tawh ngei ang, naupang ngaina ngai miah lo kha a thusawi ho te* nuihpui a nilenga ka awm thin lai te, apa a duh a dil a a phal loh apianga ka bula a rawn vui thin lai te kha ka ngai ani, zan mut dawn apiangin mumang tha lo ala neih ngai leh ngai loh ka ngaithuah thin a, a treatment a bansan ringawt nen ani ngaihtuah lo hian ni khat pawh hun ka hmang ngai lo.
"Kum engzat nge inih?" tia ka zawh chuan "Kum 5" tiin min chhang vat a, "Nangmah ang rual hi fapa ka nei ve sin" ka tih chuan a sweet pakhat chu min pe lehin "Hei hi lo eitir ve rawh" ati a, sweet chu nghet taka hum in ka ipte ah ka dah a, "Ka lo pe ngei* ang" tiin ka chhang a, ka hmu dawn tih kei.ah leh keimah ka inhrilh nawn leh tlut* bawk.
Headmaster a rawn thlen chuan chibai ka lo buk vat a, thut thlak pah chuan ka mamawh leh ka lo kal chhan te chu min zawt a, a inchei dan ah school kal turin a insiam tawh tih a hriat.
"In khaw middle school ah hian Benjamin Lalrinhlua kum 5 mi vel an awm mial em le?" tiin peh hel lo chuan ka zawt nghal a, an khua ha hian sawrkar school pakhat chiah a awm a, chu* a thawhna hi ani, mi an tlem a, class khat ah naupang 15 an tling tawk hlom a, a hming leh a kum ka sawi chuan a hriat mai ka ring.
"Vala ka va hre lo ve, I mi zawn chu kan khua ah hian a awm lo anih ka va ring em, kan khaw naupang na na na hi chu ka vel ve khawp asin" tiin min chhang a, a nupui chuan thingpui leh kurtai te min rawn chhawp a, hemi khua ah hian an awm anih chuan engang dinhmun ah pawh awm se John hian Ben hi school a chawlhsan tir dawn lo tih ka chiang a, chuvang chuan an awm leh awm loh rang taka hriatna tha ber chu zirna in atangin ani, a chhanna tur hre tho mah ila "John Lalhlimpuia tih nikum vel atanga rawn insan lut te I hre mial em le?" tiin ka zawt leh a, ka kut te chu a khur dawn* mai, "Vala ka hre miah lo mai, an awm lo anih ka va ring em" atih chuan a vawi tamtak nan ka hlawhchham leh tawh tih ka hria.
Hmun tamtak ah ka kal tawh a, Mizoram pawn Delhi, Mumbai leh Kolkata pawh ka theih ang* chuan ka fang tawh mahse ka chhanna hmuh ala ngai vek ani. Hlawhchham ziah mah ila hmun thar a ka kal apiang in beiseina thar ka nei a, tun tum chu an awm ngei* ang tiin keimah leh keimah ka infuih a, ka la beidawng lo hi keimah pawhin mak ka ti zawk.
Police lam atanga chet dawn in ka pa in min chet khalh zel a, Mizoram chhung ah na na na chuan thil ti thei tak ani, police te chuan a hnung zuiin tihlawm nan a duh* an tihsak a, ka tan engkim a harsat zual phah.
Thingpui te ka in zawh chuan chhuak in ka car ah chuan ka va thu a, a steering ah chuan ka lu ka nghat a, awm miah lo John chu ka be leh mawlh* a.
Ka lo muhil ani chek ang chu ka harh chuan ni pawh alo kang sang tawh hle a, la chhuak mai lo chuan ka diary leh pen chu phawrhin ka tih thin fo dan angin John letter tur chu ka ziak leh a.
11 January 20xx
Dear John,
In tel loa ni 354 ka hman na chiah ani ta.
Vawin pawh a vawi tamtak nan ka beidawn nawn leh ta ani. Khawiah nge in awm ka hre loa, mahse engtik ni ah emo tak chuan ka la rawn hmu ang cheu, chu mi a thlen hunah chuan vawikhat mah min kalsanna chance ka siam tawh lo ang che.
Ka tello in engtin nge I awm ka hrelo a, mahse keichu ni khat chu sawi loh second khat takngial pawh hlim takin khami ni atang kha chuan ka la awm leh lo. Ka beiseina la bo tu leh beiseina min siam sak tu ini a, I tel loa awm hi harsa ka ti takzet, zing tin hmuh thut che beiseiin ka tho a, mahse zan ani a, thla leh arsi a rawn lang a, ni enga ka beiseina neih zawng* te chu ni in a tlak pui leh thin.
Khawngaih takin min hrem tawh suh , a rei tawh em* iti ve lo mi, I tello thawk ringawt te hi a harsa sin, ka boruak hip luh ini tih te hi I inhre miah na nge.
Ka mamawh che John, khawngaih takin lo haw tawh rawh.
Love,
Timothy
_______________________________________
Regu loh deuh pawn min lo hrethiam teh u awð