Thuhma pawh ka nei chuang loðð¼
_____________
Author pov,
Timothy pawh chu alo muhil ve hman ani chek ang chu, khawngka in chum ri deuh bur* ri vang chuan an pahnih chuan an harh zawk a, kawr alo hak vek tawh vangin Timothy chuan "Ka va hawng a" tiin room chu chhuahsan vat a, John chu khum atang chuan a phit hian a phit thla a, thawmhnaw a inbel nghal mawlh* a.
Timothy an ava hawn chuan Mathew chu naute pawm chuan alo ding ran a, Timothy a hmuh chuan a mit ko a san ek a, Timothy chungchang chu John atangin a hre ve viau a, mahse a hmel tak ala hmu lo.
"John thian pa ami?" inchhung luh pah chuan ati a, John thawhpui ah a ngai nghal hmiah mai, "Timothy a nih kha" room atanga lo chhuah pah chuan John chuan a rawn ti a, chu vel ah phawk hra hian Mattew-a chuan Timothy chu en a, a zirchiang ani mah zawk, a ke ler atanga a chhip thleng chuan a melh zak* a, a chanchin hi chu a hrechiang ve tawh viau ani.
Timothy an a en ve tak reng ah chuan Matthew chuan a mit lasan vatin "Hei, thenawm te in ah alo awm a" tiin naute chu John ape a, "Nia, nu ber a rawn kal a, a pawmphei deih lom" tiin Matthew-a kut atang chuan a la a, Matthew pawh room lam ah a lut a.
Naute a lak chiah chuan Timothy chu John lam ah a tawlh hnai hrut* a, "A nuam em, api te kha iva ti buai lutuk em?" tiin John chuan an han zawt vel a, "Hming a nei em?" John dar atanga naute hmel rawn bih duk* chuan a rawn zawt a, nui hak hian John chuan "Neih ve bawk loh in, Brenda-i nih hi Brenda Lalruatmawii" Timothy chu a lo bu nghauh* a, khawih ngam chiah silo chuan naute chu a bih duk* a, "I pawm duh em?" John in a tih chuan rang lutuk mai hian lu a thing a, "Ka hlau e a!" ti deuh tawl a, John chuan mak tih hmel deuh chuan a melh a.
"Nge I hlauh ngawt, a tet em hi" Brenda-i chu a thutthlak pui a, Timothy pawn tim deuh tak chuan John bul ah chuan a zu thu thla ve a, naute chu melh deuh zeuh* thin lehnghal, John in Timothy-a a hauh mawlh* lai chuan Matthew-a chu a room atang in a rawn chhuak a, bag ala ak ut zui, tawng pawh a rawn tawng ve hma* chuan John chuan "U khawnge I kal dawn?" alo ti nghal var a.
"Hna awm a, vawin chu ka rawn haw lo ang" thutthleng ah chuan a thu ve a, Timothy-a en chung chuan "I chau em, I rawn kalna te thui sia" hmel hlim sang chuan ati a, a biak dan ah chuan rei tak inhre tawh te pawh an ang, Timothy pawh chuan John u anih vang hrim* pawh chuan a zah der thiam tak in a chauh loh thu te chu a sawi a, an ti* ve luam bawk a, Timothy pawh chuan a tawng dan vel tang chuan John nen an inkar a hre vek tawh tih a hrethiam.
Matthew an a kal tur thu a sawi chuan Timothy chuan "Keimah vang nih chuan a ngai miah lo nia aw, a nuam ka ti lo zawk" alo ti vat a.
"Teuh lo mai chutiang ani lo, hna tul na vang zawk ania" alo ti a, Brenda chu a chhiah leh te* a, khawngka bul a thlen vel tawh chuan "Timothy" ati deuh lauh a, Timothy leh John pawh alam an hawi vat a, John lam melh zeuh pah chuan "A ngai thei teh mai che nia, zantin a tap ziah" atih vel chuan hauh hlau niawm tak chuan a chhuak zui vat a, "U!!" John in a rawn tih pawh chu a hrepha tawh lo.
"I ril a tam em?" John in atih chuan rang zet hian "Tam ve e, zing chaw bak ka la ei lo" alo ti vat a, "Ka room ah khan thenbawm a awm ang, va la rawh" atih chuan Timothy chuan en deuh hra hian "Mi va ring lo ve, ka pawm ve thei reng, ka thlauh I hlau anih kha" ati a.
"Khawih pawh I khawih ngam loh kha, phun* lo khan va la vat rawh" John chuan alo ti let zek a, Timothy pawh chuan ngawi rengin room lam chu ava pan hna* a.
Thenbawm nen chuan rawn chhuak in "A la te em a, ka tina ang tih ka hlau alom, lo ngai reng rawh, kum 1 a tlin hunah chuan min ngaina deih zawk ang" ala ti ve tang* a, naute hlau nih chu a duh bik miah lo, thenbawm ah chuan naute chu a dah a, "Tikhan lo veng rawh, eitur ka va siam ang, Ben pawh lo haw tep tawh" chawka lam chu a pan nghal a, Timothy chu tlem hian a zam deuh a, Ben in a theihnghilh hman mawlh chu ni a hlauh.
John chu choka lam ah chuan phei in noddles te chu a chhum a, a noodles chhum chu en in a inngaihtuah muk hle, Timothy tawngkam atang chuan engtin kawng pawn inthen emo kalsan tih vel chu a theih dawn loh tih a hria, mahse an awmdan tur engmah an la sawifel loa, inkawp leh ta ringawt se engtin nge apa in atih ang, tunah phei chuan venhim tur pahnih lai a nei a, mahni hmasial taka Timothy-a a kawp leh anih chuan a fate pahnih dinhmun der thawng ah a awm thei tlat ani.
"Dawnkan te kha TV bulah a inhung ang lo la chhuak rawh, ka rawn phei" tiin a au lauh* a, thuawih takin Timothy pawh chuan John sawi ang apiang chu alo ti ve zel a, John chu thutchhan tur leh eitur nen chuan a rawn inchawi a, a ma tawk ah a bawr vel hle bawk.
TV en pah chuan noodles chu an ei a, an hlim tih chu sawi ngai lo in an mit ah an inhmuh tawn sak ve* thei hial ani, mahni pangkhing lehlam reitak tihbo hnua hmu leh ang mai an ni.
"A intur room ah ka va la lawk ang" tia John thawh tum chu Timothy chuan a kuta vuan in alo dang vat a, "Ka va la mai ang, an awmna sawi la" tiin a tho a, John in a sawi hnu chuan ava la a, Brenda-i a bawnghnute a intir lai chuan Timothy chuan John chu en in "I sil miah lo mi, nachin khan kan uar ve angreng sia?" a rawn ta phawng a, John chuan mitmeng na deuh hrak hian ava melh a, "I mol ami?" ati vin that a, "In zawh tur chi te hi awm" atih chhunzawm a.
"Awww, ani lawm I ding theih takngial pawh ka lo ring loa" ala ti ta deuh* a, "Na e na e, a nat ve bawk loin ka kal thei tawk* anih hi" ati vin hlak a, Timothy chuan John chu duh hmel fe hian a en a, a tu pawhin rawn hmu se John a melhdan atang ringawt pawh chuan a hmangaih zia an hrethei nghal ang.
"Tih tur ka ti vek anga I lo awm mai* dawn nia aw ka duat" atih leh chuan John pawh chu a nui ta ringawt a.
Dar 2:30 a rik chuan pawn lam bus ding thawm a rawn awm a, "Amah ani tawh ang" John chuan Timothy en chuan ati a, Timothy mita zam na pawh chu a hmuh hmaih lo.
"A theihnghilh lo ang che, room ah I thlalak awmna frame a awm kur alom" ti chuan a hrilh a, "Ka va hmuak anga, tikhan ilo surprise dawn nia" tiin John chu a chhuak a.
Timothy chu a ding nghal ut a, pawn lam atang John leh Ben inbe thawm a hriat phei chuan a phi deuh cheng mai.
.
Inchhung an rawn luh chuan kawngka zawna ding na na na chu Ben chuan Timothy chu a hmu thuai a, tawng lo chuan a ding char* a, chu chuan Timothy leh John ngei pawh chu a ti hlauthawng lehzual, John chuan Ben school bag chu nghet tak hian a pawm deuh tang a.
"Hii, junior" Ben lama kut vai chung chuan Timothy chuan ati a, chu velah Ben chuan "Mumang ani miah lo" tih leh Timothy lama tlanphei chu a rual a, a mittui a tling nghal par bawk, Ben chuan nghet deuh maiin Timothy ke chu vuan a, "Khawnge I awm daih, tinge I lo kal tawh ngai loh, naupang dang awm tur I hmu tawh ami?" ati nghal barh* a, a inrin hma hauhin Timothy chu a hnuk a ulh teuh a, kun hniamin Ben chu a zuk pawm a
"Ka tihpalh aw, hna pawimawh deuh ka nei a, chu* ka thawk zo lawk alom" awki dam tak chuan ati a, mahse Ben erawh ala dam ve hauh lo thung, a ai nasa mah chuan a tap a, "Chupawh nise min lo phone ta che, kan phone number I tibo ami?" ati ruah* a, "Ka tihpalh" tih chuan a chhang leh a, thildang a sawi thei thlot rih lo ani.
"Ka 5,6,7 birthday ah pawh ilo kal lo, ka zawng char* che a, ilo kal lo" a irhfiak uk* a "Ka birthday wish zawng* pawh kan bula ilo kal nan ka hmang a, ilo kal har lutuk, vawikhat mah wish pawh min wish lo" ti chuan Timothy awm chu a beng a, Timothy chuan theihtawp chuan a han hnem a, John chuan kawngka bul atang chuan a en reng a, amah ngei pawh chu a mit a hul thei lo, Ben hian Timothy chungchang chu a sawi ve zeuh* thin nge mahse ti em* hian Timothy hi a lo ngaina hman tih a hrelo.
"Ka hmangaih lutuk che lom, vawikhat mah ka kalsan tawh lo ang che" a mittui chu a hruk sak a, "A u inih tawh kha, u an tap ngai lo, I nau khuan a nuih mai ang che" Ben chu ala irhfiak uk* a, mahse a tap tak chu a bang tawh thung.
"Va inthlak ila, chumi zawh ah dawr ah kan kal anga thil kan lei ang" tiin room chu a pan pui a.
________________
Timothy leh John chu choka ah chuan an in um kual deuh zuau* a, Timothy chuan "I lo ti ang, ka thu zawk rawh" ati leh thin a, John chuan lu thing nawk* pah hian "Min puih I duh tih chu ka hria a, thil tamtak thiam I nei a, mahse mo duat ei rawng bawl kher hi chu" a ner nang a, Timothy chuan a sawi leh tur chu nghakin a en chik hle, "Ih mo duat, rawng bawl hi chu itih chi ni chiah lo lom" Timothy rilru tih nat hlau zet chuan ati fan raih a.
"Naupang lo va awmpui zawk rawh, Ben phei chuan a ngaih em che saw" ati hnuhnawh leh a, Timothy chuan John hmui ah chuan zuk kiss zeuh hian "Nia iti dik keiman ka tih chuan eitur kan nei ang" ati nui ver* a.
Timothy chuan Brenda-i chu khawih silo hian a thenbawm chu a then a then sak a, ala te em a nau la awm ngailo ani bawk a khawih tawp ngam lo, a bul set ah chuan Ben chu a note zir pah hian a thu ve bawk a, Timothy chhungril chu a lawm veng* a, chhungkua tak* an ang ati em ani, a rilru chuan nasa takin Pathian hnenah chuan chutiang renga an awm theih nan chuan a rilru in tawngtai mawlh* reng a.
"Enteh junior, engtin nge khi nu khian khi pa hi a duh reng theih a, pathlawi lehnghal, a chhelo sia mipa tha zawk a phu iti ve tho em" tiin Ben chu a zawt mawlh* a, Ben pawh chuan TV chu a en ve kar reng bawk a, an movie en lai ah chuan hmeichhe hmeltha deuh hian pathawi a ngaizawng a, mahse mipa chuan alo bum khanglang a, movie mah nise Timothy chuan a thinrim pui em*.
"Nge pathlawi nih vang maia khatia itih kher" John aw a hriat chuan Timothy chu a phu dawrh a, an hung lawk ah alo awm chu niin, "Chutiang pawh nilo, a story I hre lo nih kha" Timothy chuan ati bah nawk* a, "Pathlawi zuna uai natzia te chu nang bak baka hrechiang an awm nang" ti deuh hlakin choka bawk ah chuan a let leh a, a lungawi hmel viau loh lehnghal.
"Nangmah vang vek" tiin Ben chu ati ta ringawt a, "Naute thenbawm hi lo then rawh, ipa saw keiin ka va buaipui ang" tiin rang deuh chuan choka lam a pan lehnghal a.
"Duat, I thinrim mi?" hnung lam atang chuan John chu ava kuah a, John chu alo in kuangkuah deih thung, a lungawi lo ve em ani. "TV ami te kha chu mipa khan a bum a, nang te chuan min bum ve loh hi, bak ah khapa te kha chu a hmelchhe lulai em mai, tehkhin chi pawh in ni lo" ati mawlh* a, John nghawng vel chu a nul thuak* bawk a, John chu inher in Timothy nghawng ah chuan a han kuah a, Timothy pawn John kawngah chuan alo kuah ve nghal vat a, "Ti tawh miah suh ang che" John chuan ati a, Timothy chu naupang fel tak ang mai hian alo bu nghat* a, "Ka hmangaih che" tiin John chu a kiss zeuh a, "Keipawh ka hmangaih lutuk che" ti chuan John chuan a han kiss ve leh a.
Zan an mut dawn chuan room khat vek ah John, Ben leh Brenda-i te an awm avangin sofa mut chu ati a, mahse Ben ber chuan a phal tlat lo, khuma mu ve tur chuan ngem tak te hian a ngen a, Timothy leh John pawn an aw ve ta nge* a, Brenda-i erawh kum bul ah ama khum te bik a awm a tah chuan a mu dawn thung.
Brenda-i ven ve deuh a ngaih vang in John chu a sir ah mu a, a dawt ah Timothy chuan a kil ber ah Ben a mu thung, mahse John leh Timothy chuan nuam an ti chiah lo, Ben in atih tlat vang chauh ani.
Ben chu a kil ah chuan a mu than a, a bul ah Timothy chuan thawnthu a chhiar sak a, John in khuma thu chungin naute alo timu thung a, midang in engpawh sawi mahse chhungkaw diktak chu an ni.
"Ben chu mu tawh, a mu tawh em" hnung lam atang chuan a va kuah a, "Imm, mut tawh, mut a awlsam a, thawm ah pawh a harh ve mai* lo" Timothy an a kawnga a vawn na kut chu a vuan a, "Ka hlau" ati chhuak hak a, Timothy chuan a ai nghet chuan a kuah a, "Ka hria lom ka hria lom, mahse ka awm tawh a engkim ka titawp vek tawh, vawikhat mah min rawn tibuai tawh lo ang"
"Engthil nge I tih a?" tiin John chuan a zawt a, Timothy chuan engmah zep a tum lo, "Ka pa hi mi dik ani lo a, a hma tangin a eiru thin tih ka hria a, mahse ka ngaihsak loh em avangin ka belchiang lo, mahse I chunga a thiltih ka hriat khan ka thinrim a, a eiruk na zawng* ka hai chhuak a, chu* vo nan ka hmang a, ka nun ah a inrawlh leh anih chuan media hma ah ka tlangzarh ang, MLA nia a tan chuan tawpna ani mai, chuan dan hmang in a fapa ka nih na ka chhuchat vek bawk" atih chuan John chu a hawi let vat a, hauh a tum mek lai chuan Timothy lo kiss deih a, "A chungchang chu sawi tawh lo ang, mu ang" tiin John chu a kuai mu a, puan a sintir nghal sawk* a.
"Ka mut a chhuak, pangai taka khuma ka mut hnuhnung ber pawh ka ngaihtuah chhuak zo tawh lo" ti sap in a mit a chhing a, nghet takin John chu a kuah a, "Engtin nge i hotel te a awm, kalsan reng chi ani dawn ami?" tia a zawh chuan sam fe hian "Ka hralh tawh" meng lo chuan ati a, John erawh a meng phawk hle thung.
"Engtin mo? Ka hralh I tia mi?" ti hluai chuan a tho kang zawk a, chek tlak in Timothy chuan a kuai mu leh nghal a, "Naupang an harh ang a sin" tiin John chu bengchheng lo turin ati a, John chuan Timothy en chuan "Mahse engtin nge anih theih, I hotel I hmangaih zia hi chu ka hria nia" ati a, a mak ti chu ala reh thei lo.
"Hotel buaipui reng chungin ka zawng thei lo che u lom" Timothy chuan ati sam leh et a, "Keimah vang mi i hralh?" tia John in a zawh chuan "Nang ni ai pawimawh ka nun ah hian engmah a awm lo" mutchhuak tih hriat tak chuan ati a, John in a biak leh pawh chuan a chhang tawh lo, John chuan a han en chho a, tui deuh hian alo muhil tawh a, Kum 3 chhunga tui taka a mut vawi khatna ani.
Zing dar 7 vel ah chuan Brenda-i tap avang chuan Timothy leh John chu an harh a, "Ava tho hma ve" Timothy chuan ati niah* a, "A diaper ka thlak anga a mu leh mai ang" tiin a tho a, Timothy chuan a kuta lo vuan chuan "Lo mu zawk rawh, ka lo thlak ang" tiin a tho ve nghal a, John chuan nui chhuak hak hian "A pawm pawh ngam lo chuan" ati nui hak* a, "Bak ah khawiah mah diaper thlak I thiam lo" ti chuan khum atang in a chhuk a.
Diaper leh a thlakna vel chu laiin Brenda-i chu room thutna awm ah chuan thuin a mut a, Timothy chu rang deuh chuan khum atang chuan chhukin an hma chhuat ah chuan thuin John tihdan chu uluk em* hian a en a, John in va mu leh rawh atih chuan "Tian ka lo en ang a, nidang ah chuan i thawh ngai loin keimah ka tho ziah dawn lom, lo ngai reng mah rawh kar khat hma in naute enkawl hi ka thiam zawk dawn" inring tawk tak chuan ati a.
_______________________________________
A next chapter hi Tuesday emo Wednesday ah ka lo dah ang aw, chuan last chapter ani ve tawh angg