chapter 7

Chapter 7 leh 8 up rual ka tum viau a, mahse chhiar chak tawh deuh in awm vang khan 7 chiah hi ka rawn dah rih mai aw.

_____________________

John,

Ka bula Ben tui deuha a mu chu thlir reng pahin khumah chuan ka mu meng kur ringawt a, Louise ka ngaihtuah a, inthlahrungna leh nuam lo tihna mak deuh hian min rawn mawlh reng a, ka rilru buai lutuk chu ka thaw leh hak thin.

Louise-in min kalsan atangin kum 4 a liam ve tep a, khang kum chhung zawng khan tumah ka la ngaizawng ngailo hrim* a, han duh deuh pawh ka nei hauh lo, ka rilru leh ngaihtuahna zawng* chu Ben hian a luahkhat ani ber. Ka la naupang a, ka lo chhe zawk* bik lo nen betu pawh ka nei ve reng thin, mahse tumah beiseina ka siam sak ngailo thung.

Hman deuh khan ka hnathawhpui hmeichhe pakhat khan min vei em* a, kan in ah te hial pawh a rawn kal thin. Fapa ka nei tih leh ka duh velo tih hre reng chung pawn a beidawng duh loa, kum chanve dawn chu min umzui a, vawikhat kan ina a rawn kal tumin tuna Timothy-an a tih ang chiah khan min rawn kiss thut a, mahse tun ang lo tak khan second 2 a daih lo thung, ka nem san nghal vat anih kha.

Mahse tinge tiang khan Timothy bulah ka awm veloh? Tinge ka dawh mawl tawp ringawt? Tinge tawp san lo se tih rilru kha ka put tlat?. Ka awmdan hi ka hrethiam lo a, hriatthiam pawh ka duh hek lo, heihi Louise boral atanga tianga ka awm leh vawi khatna ani.

Rilru nuamlo deuha ka leh ka leh lai chuan Ben a rawn phu vak a, a rawn tapchhuam nghal hawm* bawk. Hmanhmawh deuhin ka thu tung nghal a, theihtawp in tihharhka tum nghal bawk, ka sawi ka sawi hnu chuan a rawn harh a, a mit ah mittui a tling pam a, min hmuh velah chuan nghet deuhin min kuah a, tap ring silo in a insut nghal hliam* bawk.

A mittui te ka hruk sak a, ka tihdan ngai tein ka be leh mawlh* a, khum bula sweet ka dah te chu ka pe a, dar 4 dawn ah chuan kan inti mu leh thei hram a.

Mangchhia te a tet te tangin a nei tawh a, a pian tirh atang lung thalo neisa alo ni bawk nen, hei hian ati dawih zual a, ho te ah a phu leh dawrh* zel a, doctor ten a than hnan mai ang ti mahse ka rilru chu nuam lo ve thin khawp mai.

Ka lo muhil ve ani chek ang chu dar 6:15 velah ka harh a, alarm tel silo chuan keipawn harh hma ka inti khawp mai. Ben puan te ka sin thattir hnuah ka intifai a, Ben room ka kalpel chiah chu Timothy awmve tih ka hrechhuak chiah, nizan lama thilthleng te ka ngaihtuah a, ka sa nghal put* thei. Lut lem lo chuan ka va en a, ala mu tih ka hriat vangin kawngka dum tein ka khar a, chawka lam panin eirawng ka va bawl a. Breakfast ka siam zawh chuan in te chu ka la hman tho vangin ka tihfai leh vel thuak* a.

Ka tihtur te ka zawh chuan dar 7:15 alo la ri lo deuh a, Ben ka kaihthawh hnuah hreh deuhin Timothy mutna lam kava pan a, muttui hmel viau mahse school kal a ngai vetho sia tiin kaihthawh ka va tum a.

A bul kava thlen chuan thlamuan hmel deuh hian alo mu a, ala thaw sek* reuh lehnghal. "Timothy" tih pahin a biang puar lai ve deuh ah chuan ka khawih a, ala che eih lo hrim*. A mulai chu chiang deuhin ka en a, a mithmul chu ziah chawp ni silo hian a dum hlarh reuh a, a jawline lah chuan a zum tha em* lehnghal, ka en chian leh deuh chuan a hmuiah pem lian vaklo te hi alo awm a. Ka bih Chiang a, kiss vang kha chu ni chiahin ka hre silo.

Alo chet deuh hrut tak ah chuan ka inla hrang vat a, ring ve deuh leng lawng hian, "Timothy, tho rawh, school I tlai dawn" ka ti hluai a, ka ngaihtuah chiang a, Ben ka kaihthawh lai ka hrechhuak a, ka nuih aza lek* alom le.

"Ummmm" zik mar tuah* pah chuan ati a, a paun sinin a awm a khuh lo chiah chuan ka meng kawk a, hepa hian kawr a ha reng* lo nia. A lukham bul ah chuan a kawr alo let reng a, tinge ka hmuh loh theih zawk, a mut laiin a phelh anih dawn hi. "Kawr kha ha la, rawn kal rawh, I tlai dawn" ti nak* chuan ka chhuak zui a, a thawm tangin a tho anih hmel, Ben kaihthawh ai chuan a awl deuh tal a lom.

Ka phei chuan Ben chu TV hma ah tak alo thu leh kuau tawh a, mahse chawei nan ala hma tho avangin hau lem loin thutthleng ah ka thuthla ve a.

Timothy chu bathroom chhung atangin a ri rak* reng a, kawngka chu rawn kik in, "Towel ka lo hmang" atih thum bul* tak ah chuan kan towel chuang chu ka va le a, a kut chiah a rawn dah chhuah avangin a hmel erawh ka hmu lo thung.

Bathroom atanga alo chhuah chuan Ben nen chi miah loin kan lo en char* a, Timothy lah chuan alu a tuai thuak* a, kan en tih pawh a hrelo hrim.

"Apa te Timothy I van sek em*" Ben lah ta pek chuan ang phuau hian alo ti a, a thusawi chu tul ka lo ti lem lo khawp mai. "Kin ah I fel viau chuan exer kan la nga, nangpawh I sek ve mai ang" Ben sam chul thuak* pah chuan ati a, chumi zawhah ka lam lo hawi in, "Ka thawmhnaw a rimchhe vek a, hak tur I nei em?" atih chuan dang awk teuh hian, "School a hak tur mi?" ka ti thei tawk a, en pawh ka en lo.

"Aih ngai chuang lo, school ah hakthlak ka dah tho a, school ah inthlak turin nimai, awmhmun I neih* nimai" atih chuan, "Ka lo han zawng ang, dawhkan ah sawn breakfast a awm, Ben nen khan lo va ei ru" ti deuh nawk* in room lam ka pansan a.

Ka chhuah chuan an pahnih chuan an lo ri deuh har* a, chawka ka thlen chuan an lo la inchhaih har* a. Ben bawnghnute no ruak ka hmuh chuan ka mak ka ti lutuk, nidang ah chuan a chanve pawh a ei zo ngailo kha nia, chumai pawh ni loin a cereal bowl pawh alo ruak vek a.

"Wow a ei zo vek alo?" Ben bowl en pah chuan phur deuhin Timothy chu ka zawt a, "Tu ei tam thei* kan tia, ka chaklo lehnghal" atih rual chuan Ben chuan intithei deuhin min lo en a, Timothy bula awm nuam ati lutuk hi keipawn mak ka la ti.

"Kha hei a lian ve ber a" tiin jogger pants leh t-shirt chu ka pe a, a lak hma chuan a thutna tanga tho in a eina leh Ben eina zawng* chu laiin tudehna lam a panpui a, "Lo dah tawp rawh, keiman ka lo sil ang" ka tih chu a hrelo nge ni, ka va kal chuan a sil zo der tawh. "Khawi ka lo ha ang" tiin ka kut atang chuan thawmhnaw chu a la a, kan mit a intawn chuan ka hawisan vat a, a awmdan tang hi chuan nizan thilthleng kha a hre tawh lo ni ngei tur ani.

A inthlak zo bathroom atanga alo chhuak chu nuih insum a har ngei mai, jogger pants chu chhing deuh tai hian a ha a, a t-shirt lah a mar em* lehnghal, keichuan ka ha deuh hnak* kha nia, a tan chuan a te deuh ani.

"A dang ka va zawng leh dawn mi?" amah en chuan ka ti thla rawk a, mahse engang pawn zawng ila, a ai lian saw chu ka hmuh ka ring lo. "Ngai lo, ho lutuk school a inthlak leh nghal tur tho" atih chuan amah chu ka en leh thin a, a nuih aza ve tho tih ka hria.

"Kal ila" tih pah chuan Ben bag a la thurh a, Ben kutah a kai nghal chawt bawk. "Kan kal rual mai ang, nangpawh breakfast te ei la, I tlai nge" hmel zangkhai deuh chuan ati a, "Ani thei ringawt nang" ka tih lai chuan Ben chuan, "Apa bye aw" tih pahin an pahnih chuan an inkai chhuak nghal deih a.

Timothy pov,

School bang in ka thleng ka lut chiah tiah call ka dawng a, ka nu personal nurse anih vangin nghak khawmuang loin ka pic vat a. Ka nu nikhawhreloa a awm vangin damdawi inah an tlanpui a rawn tih chuan a damdawiin awmna zawtin thlak pawh inthlak tawh loin ka tlanchhuak lehnghal a.

Damdawiin ka thlen chuan pawnah Rintei(anu nurse) in min lo nghak a, ICU ah an dah a tih phei chuan ka phi ruai tawh. Darkar 1 dawn a awm tawh an tih phei chuan chuan ka thinrim tun tawh a, Rintei phei chuan biak chi ah pawh min ngai tawh lo.

ICU bul ka thlen chuan ka nui lui sak a, darkar dawn ka nu damdawiina a awm hnu pawn pawn ah chuan ka pa ni loin a secretary zawk alom awm nih chu, a lakah hian engnge moni ka la beisei reng* ni.

Hetiang hi ani ziah, kei emo ka nuin kan mamawha kan thlakhlelh ve lai ber pawn a ngaihpawimawh ber chu a 'hna' chiah ani. "Ipa chu meeting pawimawh a neih vangin alo kal thei dawn loa, a zawh velah alo tlang nghal ang" min hmuh rual* chuan alo ti nghal bawrh* a, a thusawi te chu ka ngaihsak lo, ka chhang lo bawk, ka rilru ah chuan ka nu chiah a awm.

Minute 20 vel hnuah chuan ka pa chu alo thleng ve thei hram a, hre reng mah ila alo thleng toh chu ka hrelo der tlat a, ka thut kun ngai reng chuan ka la thu, a hmel hi ka hmu peih hlol lo ani. "Darkar engzat nge a awm tawh a" a kut ka dara dah pah chuan ati a, a kut chu keiin ka dar atangin ka lo phihthla hlawk a, ka la tawng eih lo thung. "Timothy Lalrinhlu ipa ka nih hi I hria em?" ati khur* a, ngaihsak miah loh ka tum laiin, "I tan engkim ka ti a, ka biak che chuan tha takin min chhang hi I bat ani" a rawn tih leh chiah chuan ka lo thinrim sa bawk nen ka tho phat a.

"Pawisa bak engnge nang hian ngaihtuah I neih ve, I chhungte ai pawn an pawimawh nilom ni. Engkim ka tih sak che chu ti reng* suh, ka nu pawisa a lehkha zir chhuak ka nih hi, I neih hi ka ei lo e" ka lo dik tawh lo sa nen ka puakchhuak ani ber. "I nu hian a duat lutuk che nih hi" atih chuan ngeiawm deuha nuih pahin, "Ni e, ka nu te chuan a hun neih zawng* ka tan a hmangral alom, nang ang lo takin sum bawih ah a awm velo" ka tih chuan ka la chu a sa ve phat ni tur ani, min ben tumin a kut a phar uai a, mahse min ben hmain a secretary chuan a rawn dang a. Nurse chuan kan thawm a hria ni tur ani, security ho alo ko a.

"Timothy Lalrinhlu, ngawi rawh, anih loh chuan aw" ati sin that a, a nihna diktak hriat chu ana ati ni tur ani. "Anih loh chuan eng nge, engmah tih theih I nei lo. I sum tel lo hian kum 5 chuang chu ka khawsa ve tawh e, mahni nupui tih leh dam kara a awm lai pawha, a meeting ngai pawimawh zawk tu hian tih tur mi hrilh chu tum buai duh suh" a awki ai vin mahni tih pahin ka bula thuna chu ka tlawh pawp a, security te pawh an lo lang nghal a, min pawt chhuak a, dawmdawia kal min phalsak ve tawh lo tih an sawi hnuin an lut leh vang* a.

Ka thinrim, rilru tawt bawksi, ka nu chanchin ka hre thei tawh bawk silo chu bar ah kalin zu ka in a. Ka dose a san avangin in teuh mah ila, rui chhe lutuk in ka awm ngailo. Ka in deuh nghek hnu chuan Rintei atangin call ka dawng leh a, ka nu that thu leh private room a an san thu a rawn sawi chuan ka zang huai a, mahse ka la thinrim tun reng tho.

Ka tlak leh pat hnu chuan ka meimitchhing vang* a, ka mitthla ah John alo lang a, min lo nuih sen* a, keipawh mi a ang mai chuan ka lo nui ve vur* bawk a, harhchhuak zawk in bar chu ka chhuahsan a,  ka hriat mang loh laiin John te in kawt ka thleng der mai. An kawngka chu ka kik a, a hawng lo. A vawihnih nan ka kik leh a, ala hawng chuang lo. Ka kik ngat* hnu chuan a rawn hawng a, min hmu thut chu mak ati tih a hmel ah a hriat theih, mahse kei vethung chu a hmel ka hmuh chiah khan ka hahdam sawng* a, ka pa chungchang te kha ka theihnghilh nghal vek ni berin ka hria.

John pov,

Ben school kal ka hruai chu Esi nen kan inhmu a, nidang aiin a ngui riau a ka hriat vangin, "Tinge, thil thleng awm mi?" ka tih chuan thaw hak chung hian, " Nizan khan nu Ruati ICU ah an dah a, tunah chuan ICU ah tak chuan a awm tawh lo nangin ka rilru nuam thei thlot lo" nizana Timothy awmdan kha chuvang chu niang tiin ka ngaihtuah nghal a, ka tawng ve hma chuan Esi vek chuan, "Naktuk kha kg1 leh 2 visiting kan lo nei dawn nia" ati a, naktuk hi sawrkar chawlh ania, ka awm ni ani hlauh chu ka lawm ngei mai.(private ah thawk mahse, sawrkar chawlh chu ka thuin ka chawlhtir ve tawp mai)

"School chawlh in hmang ve dawn lo ni mo?" ka tih chuan a hma ai zawngin a ngui a, "Ninawm, chu* lom, ka ning" ati hluai a, ka nui tawp ringawt, hman atang tawha a tihdan ani. "Tu nge lo kal dawn" ka tih chuan, "Keimah niang, kg1 class teacher hi a zin a, a aiah midang pakhat aniang" ati liam puat a. Kan hma atanga Timothy-an min lo en reng ka hmuh chuan mak deuh maiin ka thin a phu ve ringawt a, Esi chu kalsan in ka va pan a.

"Inva inkawm tui awm ve" Esi awmna lam ena atih chu ngaihsak loin, "Inu chu engnge a an?" ka ti deih a, ka hria chu mak ati deuh nge, min en reng hnuah, "A nurse chuan a tha atia, mahse ka awm a nuam thei lo" rilru hah hmel deuh chuan ati a. "Damdawi inah te va kal la, nangmah ngeiin I hmuh chuan I nuam hawk mai ang" min rawn enin a nui lui hak a, "Nizan ah buaina ka siam a, ka luh an phal tawh lo" atih chuan ka en hrawk a, a thutak hmel si, mahse a tih atan chuan a inhmeh ka ti chiah bawk silo. Ka en reng lai chuan, "Ka pa nen kan in tithiam lo a, ICU pawnah kan inhau a" min en tawh silo chuan ati bul* a, tlemin awm hla deuh phei ila chuan ka hrepha kher lo ang.

_______________

Tlai dar 5 vel bawrah kan kawngka an rawn kik rak* a, Ben room a a awm vangin hawng turin ka va kal a. Chaw ka chhum dawn lai tak alo ni bawk si, kut paw thup chuan ka va hawng a, kawngka bulah Esi leh Timothy an lo ding ran a, an lo kal tawh dawn lo emo ka ti zawk a. "Lo kal ru, in lo kal dawn lo mo ka ti hman a" tiin sitting room ka pheipui a, an thut fel chuan chawka lam ah bawk pheiin ka kut te chu ka va sil sawk* a, khua a lum vangin thingpui ni loin kan juice neihsa ka chhawpsak ve* a.

Sitting room ka thlen chuan Esi zawk chu alo awm tawh loa, ka zawh hma* in Timothy chuan, "Ben room ah a phei" alo ti hmuk a, mi nelawm em* hi chu ani lo ve chiang alom. "Ee.. awle" a hmaa juice chhawp pah chuan ka ti a. Room lam atangin Ben leh Esi te an rawn inkai phei a, Ben kuta chocolate ka hmuh chuan, "Rawn ken sak ziah suh, a ha chhe si" tiin Esi chu ka hauh chhunzawm a, engatan mah ngai loin min chhiah khum a, Timothy lam ka hawi leh chuan a phone alo khawih mial* a.

An school kal dan hmang te Esi chuan min hrilh bawrh* a, Timothy lah chu ngawi reng bawksi, a lawm hmel bawksi loh a, nuam lo ka ti ve reng, a lung kan ti awi lo te pawh a ang. A hnu deuh chuan Esi chuan, "Chaw I chhum tawh em?" tiin min zawt a, ka la chhum miau loh vangin aih tiin ka chhang a, ka rin ang ngeiin Esi chuan, "A tlai tawh si, hei dar 6 a ri tawh, min lo chhum kep" ati nghal bawrh* a, ka chhan hma hauh in anu a phone in kan ina a ei tur thu a hrilh a, hnial chi pawh ni tawh lo. Chawka lama ka phei dawn chuan Timothy chuan, "Keipawh min chhumkep rawh" a rawn ti thum bul a, Esi nen chuan rang zetin kan en nghal a, Ben lah chuan, "Yess" ti vakin a room ah an inzui lut nghal a.

Ngaihna hrelo deuh chuan chaw chu ka chhum kep ve* a, chawi ei kan nei dawn tih hre heklo chawhmeh vel engvak kan neih loh vangin ka siam belh leh nghal sawk* a, ka inleng te chu ngaihsak hmanin ka khawsa tawh lo hrim*. Ka chet mawp* lai chuan Timothy rawn lut a, "Engkim ka ei thei, engmah siam belh suh" tiin a chhuak leh nghal a, a awmdan hi ka hrethiam thin lo.

Kan chaw ei chu awkward tak hi ni ringawt, Es-in min be reng a, ka chhan apiangin Timothy zawk chuan meinei deuh huat tham tak* ni silo hian alo tuihnih ve chhen a, a chang leh ngeiawm deuh* in alo nui thul, Ben awmlo phei se chuan a hrehawm dawn lutuk ringawt.

Kan ei kham chuan a ngailo ti mah ila an pahnih chuan min tihfelpui tal a, tihtur an inchuh ani mah zawk, an che naupang chhia angreng. Ben Timothy bula a awm deuh chawt chu Es-in thik a, Esi nen kan inbiak hlekin Timothy-an mitmeng nelawm loh zet min hmuh ziah bawka, awmdan chu thaim har tak ani.

An pahnih chuan haw hmasa rawh inti niawm fahran hian an awm char* a, Esi zawk chu dar 9 dawn ah an lo call vangin hreh deuhin a haw a. Timothy erawh ala awm reng thung, Ben mut hma zawng chu an pahnih in an inkawm char* a, Ben homework leh coloring thlengin a tihpui a, keichu awmve lo ang hmak ka ni.

Ben mut hnu chuan boruak chu engemo ti tak hian a rit riau a, kam khat pawh kan chhakchhuak lo hrim*. Ka nin tak em avang chuan, "In tur I duh em?" tiin ka zawt a, min chhang loin ka mit ah tak min en kar a, second 3 pawh tling lo ah ka hawisan nghal a, a smirk zeuh tih erawh ka hria.

Kan ngawih dun reng hnu chuan amah zawk chuan, "Ka thil tih kha ka hria" a rawn tichhuak ta nge* a, hrilh ngai loin a thil sawi chu ka hrechiang hle. "Ka uang lo nia, ka ruih vang pawh ani hek lo" atih leh pawh chuan ka la tawng chuang lo, tho in ka bulah a rawn thu a. "Chance min pe rawh" a rawn ti zawi sap a, ka thin phu nasa lutuk chu a thlawk chhuak dawn in ka hria. "Ka thei lo, hetiang tur Ani lo" ka tichhuak thei hram a, ani lah chu ala calm em* thung, a kut chu ka awmah rawn dahin "Hei hian dawt a sawi lo" ati a, a awki ah chuan mahni inrin tawkna tam tak a awm bawk.

"Fa ka neih tawh mai bak ah mipa ve* kan nih hi. A theihloh" ka ti leh charh* a, chutah ka banrek ah vuanin, "Mipa kan ni leh fapa I nei hi ka pawisa reng* lo" a awiki chu a nem lem lo khawp mai, "Min duh velo la chu hrethiam, mahse feelings I never tih ka hria" atih leh chuan ka lu ka lo thing nang* a.

Awih loh hmel taka min en hnuah nui hul hak hian, "Ka nat theihzia I hria em? Esther-i bula I awm ka hmuh te, a bula I nui ka hmuh te leh inpawh hmel taka in ti* dun te hian ka lo na ngawih* asin. Thup ka tum ve takzet, chan cheu ka hlauh em vang hian engtia rei nge ka inthup tawh I hria em? Mahse, Esther-i nena in awmdun ka hmuh hian ka thinrimna hi ka thup thei thlot lo" min vawn na atangin a tha a khur nasa hle tih ka hrethei a, a tawp tawh emo ka tih hnuah a rawn tawng chhuak leh a, "Khawngaih in chance min pe rawh, nangmah chauh nilo in Ben pawh ka hmangaih. In pahnih hian ka hmangaih lutuk che u, khawngaih in vawikhat chiah chance min pe rawh" tiin a ngen in min ngen a, min vawnna pawh ala thlah chuang lo.

"Ka tihpalh, mahse hei thildik ani lo, bakah ka duh ve lo che" a mitah pawn en silo chuan ka ti a. "Anih fiah rawh" ti hlakin ka banrek a vawnna chu thlahin ka biang tawn* ah chuan a rawn vuanin min rawn kiss nghal a, ka hmui leh a hmui a intawng chiah chu a hma ang tho in ka ip leh chawih a, min kiss na chu ka chhang lo chungin a beidawng duh loa, second tin chuan a zei tual* emo tih tur khawpin ka ka chhungah chuan a che a. A kut chuan ka t-shirt chhung rawn zenin a chul kual ruai a, ka theihtawp in dan ka tum a, mahse ka kut chu a che thei tlat lo, a nuam ka ti em ani. Ka hmui kalsana ka nghawng no lai taka a rawn kiss leh ngat phei chuan ka moan chhuak lo chauh ani, a hnuah ka hmui ah bawk min rawn kiss leh a. Ka inchhir na tur ani tih hrechiang hle mah ila, ka chhang ta nge* a.

_______________________________________

Kiss ve ta hram e🤣😫

Ka hman leh vel ah chapter 8 ka rawn dah leh nga, chuan 9 atang chuan a thar tak* ani ve tawh ang😩.