Jannat ! Khuda ke liye....
Dressing table ka samaan bikhra gaya. Deewar geer almirah ke sheeshe jhamaake se toot gaye. Kaanch ka guldaan jo shadid nafrat aur intezam se farsh par phenka gaya tha, us ke tukde yahan wahan bikhre gaye the.
"Jannat... jannat... aise na karo ajnabi.... nahi ajnabi... mera bacha ... ajnabi! Khuda ke liye.... "
Ek tarpaak pukaar ek ilteja us ne palkain jhapak kar dekha. Manzar ek lamhe ke liye dhundla hua tha. Shayad aankhon ki nami badhi thi. Shayad roshni madham padi thi.
"Burhan burhan mujhe bacha lein."
Dil kharash cheekh ke saath hi us ki aankh ek jhatke se khul gayi thi. Bed crown ke saath laga apna sar uthate hue woh har bada kar seedhi ho baithi thi. Dahaana haath be sakhta maqam-e-qalb par aan thahra tha.
Maqam e qalb , maqam e 'alam' tha.
Maqam e alam , maqam e 'ibtalaa'...
Tanafus bhari, halq khushk aur khof ke apne shikanje mein jakad dimaagh ma'awuf...!
Nightstand ki zarkaar roshni mein, kaam daar urdi joray ke daman par nazar padte hi woh apne khwab ke asar se safed aur siyah rang ki taqseem mein khubsurati aur nafasat se bajay, ek waseeo areez bedroom mein woh jahazi bahar aagayi. Besakhta sar utha kar us ne matwahish nigahon se atraaf mein dekha.
King size bed par golden bridal dress mein malboos baithi thi
Yeh ghar us ka nahi tha. Yeh kamra bhi us ka nahi tha.
Second ke hazarvein hisse mein chand ghante pehle nikah aur phir rukhsati ka manzar us ki aankhon ke samne lehra gaya.
Khushk labon ko tar karte hue aroosi joray ka daman apne haathon mein sambhal kar woh bed se utar gayi.
Chooriyan khank uthin, band ya mutaharrik hui. Sone ke nafis aawize us ki surahi numa gardan par aage peeche
jhool jhool gaye."
"Woh insaan ho kar saakit thi. Lakhoon ki jewellery bejaan ho kar mutaharrik...
Kapkapati ungliyon se darwaza khol kar woh kuch khof, kuch ghabrahat ke saath bahar aagayi. Master bedroom ki daayeen simt, aen samne gol zeena tha jo neeche ki taraf jata tha. Usi zeene ki ibtidaai seedhiyon par woh usey baitha dekhai de gaya tha.
Jannat ki dhadkan ek lamhe ke liye jaise tham si gayi thi.
Sar gira hua, kandhe jhuke hue, aur muthiyan us sakhti se bheenchi hui jaise woh zabt ke aakhri marahil se guzar raha ho.
Doraan-e-safar us ka mood khushgawar nahi tha, woh jaanti thi. Nikah ke waqt bhi us ke tevar theek nahi the, wo yeh bhi jaanti thi.
"Bare ajeeb hain yeh Fares bhai." Sidrah ne khaas tor par tunss kiya tha. "Nikah ke paper par aise sign kar rahe the jaise"....
kuch kehte kehte woh eka ek khamosh ho gayi thi.
"Jaise?" Us ne ghaneri palkon ki jhaalar utha kar use dekha tha.
'Jaise kuch nahi.'
Labon par muskurahat saja kar us ne baat adhoori chhod di thi. Aur woh adhoori baat jaise ab mukammal hone ko thi...
Khud par tari is jamood ko todtay hue woh ek jhatke se uth kar us ki taraf muda tha. Us ki teekhi gehri aankhon mein ghaiz o ghazab ka barhta hua taassur Jannat bint-e-Kamal ki reerh ki haddi mein sansanahat dauda gaya "Tum ne abhi tak change nahi kiya?" Bhari taabir awaz, phir ya sakht lehja...
Lehngay ka qaal sambhale Jannat ki makhrooti ungliyon ki girift itni mazboot hui ke moti aur keemay hatheliyon mein chubhne lage. Yeh ek kaghazi rishta hai Jannat Kamal yeh sirf kaghaz tak mehdood rahe ga.
Ek ek lafz nafrat se ada karte hue us ke aur apne mabain chand qadmon ke faasle ko us ne ek hi lamhe mein paat liya tha. Kaghazi rishta woh phatti phatti aankhon se use dekh kar reh gayi thi.
"Mummy ek bahu chahiye thi sirf ek bahu!" Baazu se pakar kar khasay jarhane andaz mein use raaste se hataya gaya.
'Yahan sirf bahu ban kar raho, biwi ban kar mere sar par musallat hone ki koshish bhoolay se bhi mat karna aur na hi bohot bura karoon ga main'
Aankhon mein sakhti se dekhte hue us ne ungli utha kar dhamki di thi, phir usi Surat se woh kamre mein chala gaya tha.
Tum ne abhi tak change nahi kiya? Bhari taabir awaz, phir ya sakht lehja...
Lehngay ka qaal sambhale Jannat ki makhrooti ungliyon ki girift itni mazboot hui ke moti aur keemay hatheliyon mein chubhne lage. Yeh ek kaghazi rishta hai Jannat Kamal yeh sirf kaghaz tak mehdood rahe ga. Ek ek lafz nafrat se ada
karte hue us ke aur apne mabain chand qadmon ke faasle ko us ne ek hi lamhe mein paat liya tha. Kaghazi rishta woh phatti phatti aankhon se use dekh kar reh gayi thi.
Mujhe ek bahu chahiye thi sirf ek bahu! Baazu se pakar kar khasay jarhane andaz mein use raaste se hataya gaya.
'Yahan sirf bahu ban kar raho, biwi ban kar mere sar par musallat hone ki koshish bhoolay se bhi mat karna aur na hi bohot bura karoon ga main' Aankhon mein sakhti se dekhte hue us ne ungli utha kar dhamki di thi, phir usi surat se woh kamre mein chala gaya tha.
Sade se ma'awuf hote dimagh ke saath Jannat ne mur kar use be yaqeeni se dekha tha.
Woh jo bohat izzat aur maan se use rukhsat kar ke apne ghar laya tha, woh ab kuch nafrat aur haqarat se bed par bikhray gulab ki pattiyo ko hata raha tha. Phool belon ko noch khosot kar phenk raha tha. Taza gulab ke sukhe to us ne farsh par de maare the.
Woh mushtail tha. Us ka bas nahi chal raha tha, woh kamre ki ek ek cheez ko Aag laga de. Sab tabah kar de.
Jannat ki shehad aankhon mein armaano ka khoon rich gaya. Kapkapate labon par sukoot thehr gaya. Woh sarapa huzn bani aankhon mein hairat, sadma aur be yaqeeni liye use dekh kar reh gayi thi.
Maghribi deewar par Victorian tarz ka ek aaina istada tha. Jo us ka aks khud mein samaye posheeda haqiqat ko us ke
chehre par le aaya tha.
Haqiqat sachai ka roop dharay ek baddua thi jo us ke peechay peechay yahan tak chali aayi
thi. Yahan tak Ghar chhodne se, sheher badalne se, naye rishte banane se us ka naseeb nahi badla tha. Nafrat aur dhutkaar ab bhi us ka muqaddar rahi thi. Lanat, phitkaar ab bhi us ka naseeb thehri thi.
"Get lost"
daant pees kar muthiyan bheench kar us ne hukum diya tha. Magar woh pathar hui khadi thi. Zara sa irtaash bhi us ke wujood mein paida nahi hua tha.
" I said get lost damn it!"
Ab ki baar woh halq ke bal dhaara tha. Bhaari ka madar libaas ka phaila hua gheer aur dheeyai hatheliyon mein sambhale woh be ikhtiyar peeche hat gayi thi. Darwaza ain us ke munh par band hua tha. Khataak ki awaaz ke saath muqfal bhi hua.
Ek ek kar ke khushgumaani ke tamam diye bujh gaye. Ek ek kar ke saari umeedein khaak ho gayin. Hamesha acha sochna sab acha hoga. Us ne acha socha tha, magar acha na hua tha. Har umar ke saath mera hai.
Aur us ke aage, peeche, daayen baayen, oopar neeche har taraf Arabi ussr tha. Mushkil hi mushkil aazmaish hi aazmaish mehroomi hi mehroomi mazaari saza...
Woh allay qadam peeche hoti gayi yahan tak ke deewar se ja lagi. Rahdari ke ek siray par seedhiyan thin to doosre siray par chhota sa lounge jis ki deewar geer khidkiyon se poora chaand nazar aa raha tha.
'Tum ne Maheen ke saath jo kiya hai jannat khuda tumhein us ki woh saza de ga jo tum saari umar yaad rakho gi.'
Siskiyaan seene mein machal gayin. Aansoo palkon par larz gaye. Saari zindagi tum ne Ammi ko dukh diye hain. Saari umar tum un ke liye azab bani rahi ho... Seene mein dard utha. Tanafus bhaari hone laga. Nigah band darwaze par thehr gayi.
"Aisi betiyon ko paida hote hi mar jana chahiye." Lafz nishtar the, rooh ghayal hui thi. Bemushkil qadam uthate us ne lounge ka rukh kiya tha. Poori tareekhon ke munawar chaand ke samne woh be noor kar shal fanous ke neeche sofa par baith gayi. Ab woh ek ek kar ke pins nikal rahi thi. Shor ab bhi tha, awaz mein ab bhi goonj rahi thin.
Woh sar se dupatta utar kar apne hair style ke bal kholne lagi. Hair spray se baal akde huye the. Bemushkil seedhe ho paaye. Us ne phir kaanon ke aawize utare. Hamle ko maiks ki girift se azaad kiya. Bindiya utar kar mez par rakhi.
" Nahi mat utaro woh jannat abhi jee bhar kar dekhne do mujhe." Alalam halq mein ubharti gulti ko bemushkil neeche utarte us ne lab bheench kar khayalat ko jhatkna chaha. Afkaar ko banana magar nakam rahi. Aaj ki raat kuch bhi us ke zehan se mehvo hone wala nahi tha.
Rorah kar ek ek pal, ek bhi chaha ek lamha, ek ek saat yaad aa rahi thi use...
Khuda tumhein us ki woh saza de ga jo tum sari umar yaad rakhogi.
palkon ki deewaron mein shigaaf daalte chand aansoo us ke gaalon par larhak gaye. "Yeh bhi Burhan ka ehsan hai ke us ne tum par case nahi kiya warna socho, woh kya nahi kar sakta tha".
Haan.. tum socho!
Ab tum socho!
Aaj tum socho!
Kamre ki har ek shay awaz ban gayi. Qalb o jaan ko azaar kar gayi. Baddua ab baddua khidkiyon se sard hawaien sarsara kar guzri thin.
Maza chakha! Lawn mein aster aur arctotus ke be shumar phoolon se hoti hui sada beruni deewaron...Ke us paar street par jhuke Amaltas ke darakhton par thehr gayi thi. Halq mein ubharti gayi ko bemushkil neeche utare Jannat ne ghutnon par sar rakh diya. Aaj ki raat ek mushkil raat thi us ke liye aur us ke liye bhi jo band kamre mein apna sar thaame Khamosh baitha tha.
Deewar geer khidkiyon se jhaankte sooraj ki kirnein us ke chehre par padi to us ne kismisa kar aankhon khol di thin. Aftaab ka noor us ke andar nahi gaya tha. Gharon ki tarah kuch tareekhiyan us ke wujood ka bhi hissa thin. Uth kar baithte hue us ne kandhon par aage peeche bikhre sheer rang ke balon ko samet kar daahine kandhe par
daal diya tha. Chehra sata hua tha. Be-khwabi ka shikaar surkh moturam aankhon mein nami thehri thi. Farsh par qadam jamate hue us ne be-khayali mein sar uthaya tha aur agle hi lamhe apni jagah tham kar reh gayi thi.
Har siyah cheez par aasmani rang ki shirt mein malboos woh single sofa par tang par tang jamaye khaase shahana andaz mein baitha tha. Dhoop mein light brown side dete ghane siyah baal peshani par bikhre hue the. Ragein tani hui, jeere bheenche hue aur gehri hazel aankhon mein to jaise khoon utra hua tha. Us ne daahine haath mein ek kitaab utha rakhi thi.
Sard nigahon se mutala'a jaari tha. Jannat ki heartbeat tez hui. Saans to pehle se ruka hua tha. Us ke wehm o gumaan mein bhi nahi tha ke is tarah itne sawere woh us ke saamne baitha ho ga. Woh takheer se bedaar hone par az khud sharminda hogayi.
Kal raat jo kuch hua, us ki bhanak Nomi ko nahi padni chahiye. Kitaab band ho chuki thi. Bilkul darwaze ki tarah...
Ab woh uth khada hua tha. Be-parwai se jebon mein haath daale jaane ke liye mur gaya tha.
Jannat ne be-sakhta nigaah uthai thi. "FARIS WAJDAN Shirazi Enterprises ka CEO..."
Daraaz qamat, chowdey shaaney aur warzishi jisamat ka maalik ek khoobsurat nojawan... jo gol zameene utar ta ab nazron se oojhal ho chuka tha, magar us ke qadmon ki aahat thi ke rahdari mein hi thehr gayi thi. Band darwaze ki awaaz bhi wahi kahin bhatak rahi thi.
Talkh rawaiya sakht lehja aur nikah ki haesiyat ki wazahat karte be-raham alfaaz mutaharrik hue the. Palat palat kar us par waar karne lage the. Aur woh saakit o saamit apne tootey bikhrey wujood se la parwa kuch khof, kuch be-chaargi aur kuch uljhan se naseeb aur qismat ki un bhool bhulaiyon ko dekhne lagi thi jo har baar hamesha use ek hi maqam par le aati thin.
Woh maqam jis ka taeen kai baras pehle phatti hui ek do pehar mein hua tha. Woh maqam jo aag ki tarah tha. Sulga sulga kar raakh karta tha. Phir khaak kar deta tha.
Woh pairon taley rondi jaaney wali usi mitti se ek baar phir janam leti thi. Har baar us umeed ke saath ke ab kuch mukhtalif hoga, har baar us yaqeen ke saath ke ab woh qabooli jayegi magar har baar wohi hota jis ki tawaqo na hoti. Har baar wohi milta jis ki chahat na hoti.
Ek madham si muskaan us ke sakhti se bhaney honton ko nam kar gayi phir woh jhijhak di. Yoonhi achanak bila-wajah Bilal Wajdan House ke dar-o-deewar mein us ki hansi ki jhankaar yoon goonji jaise koi zabt karte karte achanak ro pada ho.
"Hayat mil gaya ho. Rafiq-e-hayat bhi aisa jo apni aan baan mein shehzadon jaisa ho. Naam ki tarah maidan-e-hayat ka koi shahsawar nazar aata ho. Magar woh shahsawar shareek-e-hayat ban kar zaban ki do dhari talwar se ehsasaat aur jazbaat ko qatl karne wala bhi ho to... us ka zehan phir se bhatak tha. Soch aur khayalat phir se muntashir hue the. Aur us ne ek bar phir white clutch par giraft mazboot karte hue apni kefiyat par qabu pa liya tha.
Safaid aur surkh phoolon se decorate kiye gaye khoobsurat hall mein yahan wahan dekhte, pehlu mein bethe Wajdan ke black three piece suit se uthati mardana cologne ki khushboo mehsoos karte, woh palkain jhapka kar aankhon mein abherti nami ko dabane ki sa'y kar rahi thi.
'Tum khush to ho na Jannat?' barabar mein bhi Saira khala ne bohat mohabbat aur maan se poocha tha. Jannat ne gardan mor kar unhein dekha, woh jis ehsaas ke bare mein istifsar kar rahi thin, woh us ke aas paas, us ke andar,
us ke dil mein kahin bhi na tha. Magar woh is bar sahih ma'non mein un ke liye mehrum rehna chahti thi. Raaz hona chahti thi. Woh unhein aur un ki family ke ek ek fard ko yeh tasur dena chahti thi ke usay apni Jannat mil chuki hai, sazaein khatam hui hain, woh jahanum se bahar aa gayi !!
'Bohat' us ne kaha tha. Us ki awaz kho khali thi magar labon par ubherti khoobsurat muskurahat har aziyat chhupa gayi thi.
Aankhain bhi kamal ki adakari karti thin, takleef do taqseem mein dhal kar us ke chehre ko purkashish bana gayin. Us ke kandhon par bazoo daalte hue apne qareeb kar ke peshani ka bosa le daala. Woh ab bohat khush Saira khala ne aur mutmain nazar aarahi thin. Shirazi khandan ke saath yeh rishta un ki tosath se sar anjam paya tha. Yeh shaadi bhi un ki wajah se mumkin ho payi thi. Yehi wajah thi ke Jannat unhein sukoon bhari us kefiyat se mahroom nahi karna chahti thi.Bheench kar aur palkain jhapka kar aansuon ko rokte hue us ne sar uthaya to nigaah mein Mrs. Shirazi se mukar gayin.
Jo ki Maroon sari mein malboos, light sa makeup kiye woh electronic wheelchair par barajman thin. Chehra nikhra nikhra aur taro taza lag raha tha. Siyah aankhon mein khushi ki chamak behrahi thi. Labon par zindagi se bharpoor muskurahat bhi thi. Go ke heart patient thin, falij ke baais tangon se bhi mazoor magar apne bete ki shaadi par woh bohat sehat mand, hashash bashash aur khush nazar aarahi thin. Woh use dekhte hue muskurain to Jannat bhi muskuradi aur koi bhi dekh kar bata sakta tha ke woh is aurat ke liye kitne dil se muskurai thi...
---- â¢â¡â¢ ----