ââââ à¨à§ ââââ
ð¼ðððð ððððâ¦
ð¹ðððð ððð ððððððð ðð ððððð ððð ð½ð ððð ðððð ðð ððð ðð ðð ðððð¢ðððð ðð
ð³ððððð ððððð ðð ðððððððð ððððð ðððð ð°ðð ðððððððð ðð ððððððð ðð ðððððð¢ðð
ð°ðð ððð ð ðððð ððððð ðð ððððð ðð ð¹ðððð ððð ð ðððððð¢ð
ð°ððð ðð ð ððð ððð£ðððð ðð
ð¹ðððð ð¢ð ððð ððð ðð ðð ððð£ðð ðððððð ððð
ððð ðððð ððð ðð ðð¢ðð ðððððð ððð ....
ð¸ð ððð ððð ðððððð ðððððððð ððððð ðð ðððððððð ðððð
ð¸ð ððð ððð ðððððð ð ððð ðð ððð¢ðððððð ðððð..
-á´á´á´á´á´ ɪᴠá´á´á´¢
ï¹ï¹ï¹ï¹ï¹
"Tumne yeh kya harkat ki hai, Hammad?" Call receive hote hi Jamila Dawood gusse se cheekh pari thi.
"Kaisi harkat?" Woh anjaan hua tha.
"Tum itna gir jao ge, mujhe tumse yeh umeed nahi thi!" Unki awaaz jazbaat ke shiddat se kanpne lagi.
"Tumne uska ghar ujaar diya!"
"Aur jo usne mere saath kiya, uska kya?" Jamila Dawood apni jagah tham si gayi, Aziyat se aankhe mich kar apni peshani par haath rakha.
"Bachpan se le kar ab tak maine hamesha dekhta aaya hoon, aapne Faris ko ahmiyat di. Aapne Faris ka khayal rakha. Aapne mujhe to bhula hi diya." Ishtial mein apni awaaz par qaboo pate hue woh sard lehje se bola. Phone kaan se lagaye Jamila dawood apni jagah munjamid khadi reh gayi thi.
"Dad ek machine ban gaye. Unhone khud ko masroof kar liya. Aur main? Aap sab ki is jung mein, main kahan tha? Mummy?" Woh cheekh para. Unka shiddat se dhadakta dil doobne laga.
"Usne Alizeh ke saath affair chalaya. Humara rishta khatam ho gaya. Aur aap? Aap phir bhi uske saath khari rahi, uski himayat mein. Aapke apne bete ka maamla tha, aur aap....." Woh bohot azeet aur gusse se keh raha tha.
"Aapko us din meri koi parwaah nahi thi ke mujh par kya guzregi. Us din bhi aapko yeh hi fikr thi ke Faris ke saath kya hoga. Aap logo ne mujhse uski haqeeqat chhupayi, jhoot bola. Jab woh saara waqt hi hamari zindagiyo mein tha, to aap sab yeh kyun kehte rahe ke woh nahi hai?"
"Tum mujhe qasoorwar thehraray ho?" Unke labo mein jumbish hui.
Woh zabt kiye hue chup raha.
"Aur apna muazna Faris se kar rahe ho?" Unki awaaz ab kapkapaarahi thi.
"Woh humare ghar aaya to us waqt paanch saal ka tha. Tumhare dad ne uska surname badal diya, uski pehchan badal di, usay gumnaam kar diya. Uske paas to koi rishta nahi hai. Magar tumhare paas, tumhare paas to sab kuch hai. Hammad, tumhare dad, dada.."
"koi nahi hai mera. Aap sab mujhe bewakoof banate rahe."
"Kis cheez ki kami dene di hum ne?"
Unhone aziyat se poocha.
"Main pehli baar Faris ko chhod kar gayi thi, to woh tumhari wajah se. Tum America mein the. Mere baad us par kya guzri, tumhein koi andaza nahi. Dusri baar tumhari ghalati se uske saath jo kuch hua. Kya us se bhi ghaafil ho sakte ho?"
Hammad ke haath bheench gaye.
"Aur teesri baar jab mera us se raabta hua, main yahan America mein tumhare saath, chobees ghante rahi hoon. Faris ke paas to main sirf do hafto ke liye jaati thi. Tumhe woh do hafte nazar aa rahe hai? Ke unme tumahri mummy Tumhare paas nahi thi, woh pura saal ya din ya mahine, jab me tumahre sath thi unka kya?" Woh cheekh parin. Hammad lahoo rang aankho ke saath phone kan se laga ke khada raha.
"Main ne kabhi tum par kisi ko fauqiyat nahi di. Faris ka jo haq tha, to usay woh bhi nahi de sakti thi. Usay is ghar mein, is chhat ke neeche hona chahiye tha. Usay tumhara kamra tumhare saath share karna chahiye tha. Tum dono ke kapde bhi aik jaise hone chahiye the. Khana bhi aik he table par. School bhi aik jaisa. Yeh hoti hai aulaad ki musawat. Tumhein sab kuch mila. Usay kuch nahi mila."
"Aur tumhe... Tumhe un kuch cheezo se bhi se bhi masla hai jo usay mil gayi?"
Hammad dam saadhe apni maa ko sun raha tha.
"Tum bimar hote thay toh main tumhare liye jaagti thi. Faris ke saath toh koi nahi hota tha. Is liye, please, kam az kam Faris ke saath apna mawazna mat karo. Uske saath tumhara mawazna nahi banta."
"Aap abhi bhi Faris ki side le rahi hain. Mujhe shak hone laga hai jaise woh aapki sagi aulad..."
"Kaash!" Unhone uski baat kaat di.
"Kaash woh meri sagi aulaad hi hota. Use main ne janam diya hota. Phir shayad main uske liye woh sab kar sakti jo maine tumhare liye kiya. Sila mujhe tumse bhi nahi chahiye, kyun ke maa ko aulaad se koi ajar nahi chahiye hota. Lekin itni bay-hisi bhi nahi honi chahiye ke maa ka dard samajh hi na sake."
"Mujhe pehle sirf shak tha, ab yaqeen ho chuka hai. Aapke liye sirf woh aham hai. Uski zaat, uske gham, uski khushiya, uski zindagi...."
"Tabhi tumne usay barbaad karne ka faisla kar liya? Uska ghar, uski zindagi ujaar di," unho ne karb se poocha.
"He brought it upon himself!" Woh cheekha.
"He is the one who interfered in my life. Usne Alizeh ko mujhse chhina tha."
Jamila Dawood ko shok laga.
"Hammad! Yeh tum kya keh rahe ho? Alizeh ne Faris ko khud approach kiya tha. Woh us mein interested thi. Tumne kabhi aakar humse baat ki hoti toh yeh maamla bhi wazeh ho jata. Woh tumhare saath apne rishte mein serious thi hi nahi. Usne Faris ke saath affair chalane ki koshish ki. Jab koi response nahi mila toh tumhare dada se woh bakwas kar di."
"Tumhe lagta hai Baba ko bewakoof banana asaan hai? Agar is baat mein zara si bhi sadaqat hoti, toh woh dono aaj saath hote. Tumhare dada ne kam az kam Alizeh ke raste mein koi rukaawat nahi dali thi. Sirf tumhara rishta khatam kiya tha, kyun ke woh unki nazro se gir chuki thi." Woh lab bheench kar khamosh raha.
"Maafi maang lo apne dada se. Please, Hammad, Wapas aa jao."
"Dada ne dhamki di hai, ghar se nikala hai. Aise toh phir aise hi sahi."
"Ek ghalti kar chuke ho, doosri ghalti mat karo," unho ne rote hue samjhana chaha.
"Maine koi ghalti nahi ki. Apna badla liya hai. Aur shaadi toh main usi se karunga, chaahe aap log aitraaz karein ya inkaar," usne hatmi lehje mein baat kar ke call kaat di.
Jamila Dawood apni jagah khadi reh gayi.
â¢â¢â¢
Haroon Shirazi deewar geer khidkiyo ke samne London ki buland tareen imaarato par nigahe jamaye khara tha. Andhere mein roshniyan bikhrti hui nazar aa rahi thi. Muqammal bedaar night life mein use apne aas paas kahin maut ka gumaan ho raha tha. Dhime se jaise kuch phatne ko ho. Zindagi ujadne aur zaat ka tamasha banne ko tha.
"Main barbaad kar doon ga! Main sab ko tabah kar doon ga." Faris Wajdan ki awaaz ghar ki deewar se takra kar bar bar palat rahi thi. Un ke tamaam soye hue khadshaat bedaar ho chuke the. Khauf ko awaaz mil gayi thi. Zehan maâoof sa ho raha tha.
Faris Wajdan Azam Shirazi ko dhamki de kar gaya tha. Us ki woh dhamki use pareshaani mein mubtala kar rahi thi. Yun lag raha tha ke kisi bhi lamhe unki khufiya shaadi ki khabrein sar-e-aam phel jaengi. Aarzoo Jahangir ka qissa phir se shuru ho jayega.
Un ke kirdar par sawalia nishaan lag jayega.
Un ka khayal tha ke Azam Shirazi maamle ko apne tor par suljha denge, waise bhi jaise woh hamesha karte aaye the. Magar un ki janib se mukammal khamoshi thi. Unhone abhi tak koi faisla nahi sunaya tha, koi hukum nahi diya tha. Ab jab woh kuch nahi kar rahe the to usay hi kuch karna tha. Saari raat woh sochta raha.
21 salo ke baad achanak mulaqat ka faisla kuch mushkil lag raha tha. Is se pehle ke woh gusse aur intizaam mein kuch kare, woh us se mulaqat kar le. Woh is toofan ke aage band bandh hi le.
Sawal yeh tha woh usay kya de sakta hai? Paise mein bohot taaqat hoti hai. Woh iski zindagi ko yaksar badal sakta hai. Woh apne aur iske maamlaat ko theek kar sakta hai. Faris sab bhool jayega, jaise woh bhool gaye the.
Haroon ne shaam tak Haider ko hukum diya aur woh usay Faris Wajdan ke flat tak le gaya. Ek bag mulazim ke haath mein tha. Flat ki bell bajate muntazir sa khada raha. Bar bar kalayi mod kar waqt dekhta aur andar se ubharte izteraab par qaboo pata raha.
Kuch hi der mein darwaza khul gaya tha. Faris Wajdan samne khada tha. Lamhe bhar ke liye uski surkhi mael aankhon mein aag ka tasur bharak kar sard ho gaya tha. Lab sakhti se bhence huye the. Girift handle par jami rahi. Use apne baap ka chehra yaad na hote hue bhi yaad reh gaya tha.
"Kya ham baat kar sakte hai?" Haroon ki aankho me dukh ki sehbah nazar aa rahi thi , chehre se pareshani ke tasuraat numaya ho rahe the.
Do din pehle jis haal me usay dekha tha wo manzar aur halat woh abhi bhi us par hawi thi. Uski kefiyat pehley se kuch bhi mukhtalif naa thi. Haider uske peeche hi khada tha. Sar jhukaye mohtib saa.
"Shayad aap ghalat jagah par aa gaye hai."
"Mein tumse jaruri baat karna chahta hoon" woh chand lamho tak unhe dekhta raha, Haroon Shirazi ka khayal tha woh darwaza band kar dega magar usne unhe andar aane diya.
Faris ne door khol kar rasta de diya. Kuch hisab baki the, Haroon Shirazi ne andar daakhil hote hi ek tairana nigah atraf mein daudayi. Uska chhota sa flat bohot sard ho raha tha. Khidkiyo par parde gire hue the. Roshniya mehki hui neelgun tasur liye hue thin. Flat taqreeba khaali tha. Bas lounge mein do sofe rakhe nazar aa rahe the.
Woh jeans par halka rang ka sweater jebtan kiye, apni surkh aur mutawarram aankhon ke sath samne baitha tha. Uski aankho mein shanasaai ki koi ramq nahi thi. Na koi shikwa, Na koi shikayat, na koi gila. Rawaiya aisa jaise woh kisi ajnabi ke samne baitha ho. Koi anjaan shakhs bas ese hi uske ghar ke andar aa gaya ho.
âMujhe bohot dukh hai jo tumhare sath hua,â Haroon ne guftagu ka aaghaz kiya. Woh sard tasuraat ke sath chup chaap baitha raha.
âHammad ne jo kiya, uski main tumse maafi mangta hoon. Yeh bohot ghalat harqat thi,â Haroon ne mazeed kaha.
Jalti hui aag mein Faris Wajdan ko khada kar diya gaya.
"Main tumhare is nuqsan ko compensate karna chahta hoon." Ishara milte hi mulazim ne uske Samne paiso se bhara ek bag rakh diya gaya.
Sholo ki tapish ab wujood se aankhon tak utar aayi thi. Lab baaham pewisht rahe. Woh ajnabi nigahon se unhe dekhta raha. Uski aankho ke tasur se woh kuch jazbaz huye. Usne abhi tak kuch nahi kaha tha. Magar woh usse kuch sunna chahte the, koi talab, koi aitraaz, koi shikwa, koi baat hi sahi , taake woh khul kar apni offer uske samne rakh saken. Magar usne lab siye rakhe. Iski khamoshi ne Haroon ka izteraab barha diya.
"Main chahta hoon tum yeh sab bhool kar move on kar jao. Main har tarah ke tawoon ke liye tayar hoon,"
Woh use financial support dene ki baat kar rahe the. Bhari rakam aur business ki offer de rahe the. Woh uska aakhri dum tak saath dene ke liye tayar the.
unke tamam daawo mein waladat ka zikr kahin nahi tha. Haroon ne yeh nahi kaha ke woh use apna lenge, apne naam aur hakiki pehchaan se nawazenge. Unka dimag hisaab kitaab mein tezi se chal raha tha. Woh uske zakhmo par marham paiso se rakh rahe the. Woh iski mehroomiyo ashasiyo se tol rahe the. Situation esi boon rahe the jaise abhi lot aaye ho, sab theek karne ke liye saare haqooq, sare faraiz ataa karne ke liye,
Woh unhe dekh raha tha, unhe sun raha tha.
"Aap hamesha se yahi chahte the... hamesha se.." uske lab hilte rahe. Haroon Shirazi ne baat adhoori chhod kar usay na samjhi se dekhne lage.
"Isliye aap kabhi mere peeche nahi aaye,"
Haroon Shirazi ek dum se ghabra gaye. Jitni tawajjo aur khamoshi se woh unki baat sun raha tha, unhe laga tha ke woh usse qail karne mein kamiyab ho gaye hain.
"Farisâ¦"
"Azam Shirazi ka wada sirf ek bahana tha. Mujhe chhodna aapka zaati faisla tha, aapki apni khwahish thi,"
Haroon Shirazi apni jagah rook gaye, unka pura wujood jaisekisi aahni shikanjay mein jakra hua mehsoos ho raha tha. Jis guftagu se woh bachna chahte the, woh shuru ho chuki thi. Jis maamle ko woh 21 salo pehle dafan kar chuke the, woh phir se zinda ho raha tha. Woh yaha isliye nahi aaye the, is bahes me, in sawalat me uljhne nahi aaye the.
Unka sar beikhtiyar nafi me hila,
"Faris, aisa nahi hai."
"Aisa hi hai!" uski kaat-dar awaaz sannate me ghoonj uthi.
"Faris! Main... main bohot majboor tha. Tum us waqt bohot chhote the. Tum shayad nahi jaante, lekin tumhare dada ne.." wo shuru ho gaye.
Faris Wajdan ki khamosh nigahe Haroon Shirazi ke chehre par tehri reh gayi gayi. Woh khud ko bari-ul-zimma karte hue kisi maamle ka hawala de rahe the. Woh usse dada ke faislo se aagah kar rahe the.
Woh kitne majboor, bebas aur lachar the, Unhone na chahte hue bhi use chhodna pada tha. Aur Faris khamosh, veeran aankho se apne baap ko dekh raha tha.
Haroon Shirazi ki tahreer bilkul saaf thi. Unke naam-e-aamal mein kisi haq ka hawala nahi tha, haqooq aur faraiz ki koibaat na thi, zikr sirf aik "majboori" ka tha. Har ilzam se woh bari the. Jo kuch bhi hua tha, woh Azam Shirazi se hua tha. Woh unke baap the woh unki muqam adhoori na kar sake, woh itne kamzor the ki stand na le sake.
Patthar ke mujasme mein dhala hua Faris apne baap ko dekh raha tha. Woh baap jo 22 saalo ke baad usse mulaqat kar raha tha. Woh baap jise na apni kisi ghalti ka idraak tha, na ehsaas. Na kisi faisle par dukh tha, na pashemani. Kaisa chehra tha jo unhone apni paint kar rakha tha. Apni marzi ka, Apne hisaab se, apne liye. Kaisi shandaar tasveer thi unki, jis mein woh khud rakhte the. Aur kaisa azeem sa boot tha unke nafs ka, jis ke samne woh khud apna sar jhukaye hue the.
"Azam Shirazi ko beech mein mat laaye," Faris ne sofa se uthte hue tahammul se daant pis kar tanbeeh ki. "Jis tarah main is waqt aap ke aur apne beech kisi ko nahi la raha, aap bhi mat laaye.." Uski aankhein lahu rang thi, awaaz afsurdah aur wujood sulag raha tha.
"Faris..."
"Mujhe sab se pehle mulazim ka beta aap ne kaha tha. Mujhe yateem samajh kar mere sar par pehla haath aap ne rakha tha. Meri awaaz sunkar pehli call aap ne kaati thi. Mujhe apne baazuo se pakad kar khud se alag aap ne kiya tha." Uski mazboot awaaz mein bepanah dard aur gussa jhalak raha tha. Uske lafzo mein karb aur shiddat nazar aa rahi thi.
"Wahan koi Azam Shirazi nahi tha. Wahan koi Azam Shirazi kabhi tha hi nahi!" Woh halaq ke bal cheekha.
Haroon Shirazi ko apne andar sab kuch fanaa hota mehsoos hua.
"Faisla aap ke baap ne kiya. Aap ne ek baap hokar kese maan liya?" Usne drushti se poocha. Haroon lajawab ho gaye. Itne sard mahaul mein unhe apni hathelian bheegti hui mehsoos hui.
"Dar tha ke jaidaad se aaq na kar dein? Mohabbat jaidaad se thi? Jaidaad ke liye majboor huye?" Jis aayne me apne aqs dekhte the toot kar choor hua. Uske tukre rooh ke andar gehraai tak utrte gaye.
"Kya majboori mein aulaad ka qatal jaaiz hai? Usay chhodna, usay bhoolna, uski zimmedaari se haath khich lena bhi?" Woh fanqara
" Kya keh rahe the aap? Bete ki ghalti? Azam Shirazi ka faisla? Mere sath in 21 saalo me jo kuchh bhi hua hai iske zimmedar sirf aap hai.."
"Mere har dukh aur har gham ki wajah aap hain. Meri beti ki jaan aapki wajah se gayi hai, woh ghatiya ladki mujhe mere mooh par najaiz keh kar gayi. Aap ki wajah se aur aapko lagta hai aapse kabhi koi galti nahi huyi hai ?" Apne zameer ke tute huye aayne me apna bhikhra hua aqs dekhte andar ki jang ladate, kat te marte hue wo kis kadar koshish se apni jagah se uth khade huye. Unki saalo se band aankhe khul gayi thi.
"Aur aaj? Aap ko mera ek nuksaan nazar aaya, aur aap usse compensate karne chale aaye? In paiso se?" Uski aankhein sulag uthi.
"Aapko kya laga, main bhi aap ke jaisa hoon? Paisa dekh kar main aulad ka gham bhool jaunga?" Uske alfaaz jaise chabuk ki tarah lage, aur Haroon ka wujood laho lahan ho gaya.
"Faris... bete..." Haroon ekdum se be-ikhtiyaar ho kar aage barhe.
"Mera naam mat lein," Faris ne gusse se peeche hote hue unhein roka. Hath barha kar ek faasla banane ka ishara kiya.
"Aur mujhe please beta mat kahen. Yeh haq sirf mere baap ka tha, aur mera baap mar chuka hai."
Unka dil phatne laga.
"21 saal pehle mujhe aapki zarurat aur chahat thi. Phir maine aapko maar diya. Maine saade chhe saal ki umar mein, apne is zehen mein, aapko ek nehar mein gira kar maar diya. Phir pahad se gira kar maara. Phir ek accident mein"
Unki saansein tham gayin. Aankho mein ek kashmakash aur kashish ka asar tha.
"Phir maine aapki qabr banayi, dafan diya, aur samajh liya ke main yateem hoon. Mera maa ya na baap nahi hai, Main har raat yahi karta tha. Har raat aapko aur Aarzoo Jahangir ko dafna karta tha, aise aasani rehti thi, bhoolne mein asaani rehti thi"
Haroon ki aankhe muqammal bhug gayi, Woh kuch bolne ke qabil na rahe.
"Main ne aapko andar aane diya, yeh socha sunlu Azam Shirazi ka beta aaj mujhe kuch kehne wala hai. Ho sakta hai meri beti ki taziyat ke liye aya hai. Ho sakta hai usse apne zulm ka ehsaas ho gaya hai, aur maafi maangne aya hai. Lekin Haroon Azam Shirazi paison se bhara ek bag laya hai."
Us ne apni aankho mein nafrat bhar kar unki taraf ishara kiya. "Use dar hai ke mein cheekh cheekh kar duniya ko yeh na batadu ke mera baap kaun hai." Uska chehra surkh ho raha tha, aur gardan ki ragen ubhar hui thi.
Haroon Shirazi zameen ki teho me utaarte chale gaye.
"Agar aaj duniya ke saamne yeh bhi ilan karen ke main aapka beta hoon, to main aap se la-taâalluqi ka izhar karunga. Main apni ragon se aapka khoon nahi nikal sakta, lekin apne naam ke saath aapka naam nahi likhoonga."
Faris ne table se paison ka bag uthaya aur unke qadmon mein phenk diya. Kuch nafrat aur hiqaarat se. "Haroon Shirazi nahi jaanta ke aisi tarbiyat nahi hui meri paiso ko dekh kar paagal ho jaun. Aur aise chhote gham bhi nahi mere, ke duniya ki daulat unka madawa kar sake."
Bas woh akhiri war, woh aakhiri jumla aur zarb thi aur unka khudkasta boot fas fas ho gaya.
"Aap ja sakte hain," Faris ne darwaza khol kar unhein jane ka rasta dikhaya.
Woh kuch der tak yunhi khade rahe. Jab kadam uthaye, to woh bojhal mehsoos hue, nigahe bhatak kar uske chehre par dobara gayi.
Chehra jismein hamesha unhein Aarzoo Jahangir ki jhalak nazar aati thi. Woh aankhein jo uske dhoke ki yaad dilati thi. Woh tareek aur veeran aankhe. Woh kisi Aarzoo Jahangir ki nahi thi, woh chehra bhi uska nahi tha.
Woh darwaze tak aaye aur ruk gaye. Gardan modh kar usay dekha. Woh bhi unhe hi dekh raha tha. Jaise dushman kisi hareef ya kisi zaalim ko dekhta hai. Woh uski aankho se jhalkte shadeed nafrato ke toofan mein gum hone lage.
21 saal tak kisi ne har raat unhein maara aur woh din ke ujale mein phir zinda hue. 21 saalo tak koi unki musalsal qabr banata raha aur woh fitna kar ke baahir nikalte rahe. Woh jise dhaal hona chahiye tha, woh talwaar ban gaya. Jise waar sahna chahiye tha, woh muqabil ho gaya.
Woh flat se baahar nikle aur darwaza zor se band ho gaya. Woh raahdari mein bag haath mein liye apne mulazim ke hamraah khade the. Aankhein bheegi hui thi. Sar jhuka hua tha. Jis aitmaad ke saath woh aaye the, woh reza reza ho chuka tha. Jis istehqaq ke saath woh khisara poora karna chahte the, woh istehqaq mitti ho chuka tha.
Aur andar, Faris Wajdan darwaze ke saath pusht tikayw, thande farsh par apna sar haath mein diya, baitha reh gaya tha.
ââââ à¨à§ ââââ
ð¼ððð ððð¢ð ðððð ðððððð ððð? ð¹ððð ðððð ðððð ðððð ðððððððð¢ ðð ððð ððððð...
ð¹ððð ðððð ððð ðð ððððððððð ðððð
ððððð ðð ðððð ðððð ðð ðððððð¢ ðððð ððð ðð ððð ðððð ðððð ððð..
ðºðð ððððððð ðð ððððððð¢...
ð·ðð ðð ðð ðððððð¢....
ð·ðð ðð ðððð£ðð¢....
ð·ðððð ðððððð ððððððð ðððð ððððð ðð ðððð ððððð ðð ððððððð ðððð,
ððððð ððððð ðððð ðð ððððð ððððððð ððð
ððððð ðð ððð£ðð ðððð ðð ððððð¢ð ðð ðððð ð ðððððð ð¼ððð ððððððð ððð
ð¼ððð ððð¢ð ðððð ðððððð ððð? ððððð ðð ðððð ð£ððððððððð ðððð.
ð¼ððð ðððððð ððððððð ðððððððð ðð ðððð ðððððð?
ððððð ðð ððððððð,
ð¼ððð ðððððð ðð ðððð ððððððð¢ð? ðºððð ðð ðððððð ððð ðððððð ððððððð....
ðºð ðððð ðððððððð ðððððð ðð¢ðð ðððð
ð¼ððð ððððððððð ðð ðððððð ðð¢ðð ððð,
ðððð£ðððð ðð ðð£ððð ðð¢ðð ðððð
ð¼ððð ððððððð ðð ððð ððð ðð¢ðð ðððð?
ð¼ððð ððððð ðððð ðððððð ðð¢ðð ðððð?
ð¼ððð ððð¢ð ðððð ðððððð ððð? ððððð ðð ððð ðððð ðððððððððð ðððð...!
- á´á´Êê±ÉªÉ´ É´á´Qᴠɪ
âââ